संरक्षणमंत्री सीतारामन आज नाशकात
संरक्षणमंत्री निर्मला सीतारामन भाऊबीजेच्या दिवशी (९ नोव्हेंबर) नाशिकमध्ये येत आहेत. देवळालीच्या स्कूल ऑफ आर्टिलरीमध्ये एका राष्ट्रीय समारंभाचे आयोजन करण्यात आले आहे.
Maharashtra Times 9 Nov 2018, 4:51 am
म. टा. खास प्रतिनिधी, नाशिक
संरक्षणमंत्री निर्मला सीतारामन भाऊबीजेच्या दिवशी (९ नोव्हेंबर) नाशिकमध्ये येत आहेत. देवळालीच्या स्कूल ऑफ आर्टिलरीमध्ये एका राष्ट्रीय समारंभाचे आयोजन करण्यात आले आहे. अमेरिकन बनावटीची होवेत्झर आणि कोरियन बनावटीची वज्र या दोन तोफा सीतारामन यांच्या हस्ते लष्कराला सुपूर्द केल्या जाणार आहेत. याप्रसंगी संरक्षण क्षेत्रातील विविध मान्यवर उपस्थित राहणार आहेत.
संरक्षणमंत्रीपदाची सूत्रे हाती घेतल्यानंतर प्रथमच निर्मला सीतारामन नाशिक दौऱ्यावर येत आहेत. यापूर्वी मे २०१६ मध्ये तत्कालिन संरक्षणमंत्री मनोहर पर्रीकर हे नाशिकला आले होते. त्यावेळी त्यांनी देवळाली, भगूर येथील कार्यक्रमांना हजेरी लावली होती. त्यानंतर आता सीतारामन या दौऱ्यावर येत आहेत. १९८० मध्ये भारताने स्वीडनची कंपनी बोफोर्स कडून बोफोर्स तोफांची खरेदी केली होती. ही खरेदी वादात सापडली. आरोप-प्रत्यारोपांमुळे हे प्रकरण गाजले. त्यानंतर भारताने लष्करासाठी तोफा खरेदी केल्या नाहीत. त्यामुळे गेल्या तीन दशकात संरक्षण क्षेत्रामध्ये मोठ्या प्रमाणात बदल झाले.
आज प्रात्यक्षिक
अत्याधुनिक तंत्रज्ञानाद्वारे विविध प्रकारच्या तोफा आणि संरक्षणसामग्री उपलब्ध झाली आहे. अखेर भारताने अमेरिकेबरोबर करार करून अत्याधुनिक अल्ट्राव्हायलेट होवेत्झर आणि दक्षिण कोरियाशी करार करून वज्र अशा दोन तोफा लष्करासाठी दिल्या आहेत. या दोन्ही तोफा लष्कराला पर्यायाने देशाला समर्पित करण्याचा सोहळा शुक्रवारी स्कूल ऑफ आर्टिलरी सेंटरमध्ये होत आहे. याप्रसंगी या तोफांचे प्रात्यक्षिकही दाखविले जाणार आहे. संरक्षण क्षेत्रातील विविध मान्यवर यावेळी उपस्थित राहणार आहेत. तसेच, संरक्षणमंत्री उपस्थितांना मार्गदर्शन करणार आहेत. स्कूल ऑफ आर्टिलरीमध्ये जवानांना तोफांचे प्रशिक्षण दिले जाते. त्यामुळे या तोफा येथेच लष्कराच्या हवाली केल्या जाणार आहेत. पाकिस्तान आणि चीन या दोन्ही देशांच्या सीमेवर या तोफा येत्या काळात तैनात होणार असून त्याद्वारे अचूक लक्ष्य भेदण्यात लष्कराला मदत होणार आहे.
संरक्षणमंत्री निर्मला सीतारामन भाऊबीजेच्या दिवशी (९ नोव्हेंबर) नाशिकमध्ये येत आहेत. देवळालीच्या स्कूल ऑफ आर्टिलरीमध्ये एका राष्ट्रीय समारंभाचे आयोजन करण्यात आले आहे. अमेरिकन बनावटीची होवेत्झर आणि कोरियन बनावटीची वज्र या दोन तोफा सीतारामन यांच्या हस्ते लष्कराला सुपूर्द केल्या जाणार आहेत. याप्रसंगी संरक्षण क्षेत्रातील विविध मान्यवर उपस्थित राहणार आहेत.
संरक्षणमंत्रीपदाची सूत्रे हाती घेतल्यानंतर प्रथमच निर्मला सीतारामन नाशिक दौऱ्यावर येत आहेत. यापूर्वी मे २०१६ मध्ये तत्कालिन संरक्षणमंत्री मनोहर पर्रीकर हे नाशिकला आले होते. त्यावेळी त्यांनी देवळाली, भगूर येथील कार्यक्रमांना हजेरी लावली होती. त्यानंतर आता सीतारामन या दौऱ्यावर येत आहेत. १९८० मध्ये भारताने स्वीडनची कंपनी बोफोर्स कडून बोफोर्स तोफांची खरेदी केली होती. ही खरेदी वादात सापडली. आरोप-प्रत्यारोपांमुळे हे प्रकरण गाजले. त्यानंतर भारताने लष्करासाठी तोफा खरेदी केल्या नाहीत. त्यामुळे गेल्या तीन दशकात संरक्षण क्षेत्रामध्ये मोठ्या प्रमाणात बदल झाले.
आज प्रात्यक्षिक
अत्याधुनिक तंत्रज्ञानाद्वारे विविध प्रकारच्या तोफा आणि संरक्षणसामग्री उपलब्ध झाली आहे. अखेर भारताने अमेरिकेबरोबर करार करून अत्याधुनिक अल्ट्राव्हायलेट होवेत्झर आणि दक्षिण कोरियाशी करार करून वज्र अशा दोन तोफा लष्करासाठी दिल्या आहेत. या दोन्ही तोफा लष्कराला पर्यायाने देशाला समर्पित करण्याचा सोहळा शुक्रवारी स्कूल ऑफ आर्टिलरी सेंटरमध्ये होत आहे. याप्रसंगी या तोफांचे प्रात्यक्षिकही दाखविले जाणार आहे. संरक्षण क्षेत्रातील विविध मान्यवर यावेळी उपस्थित राहणार आहेत. तसेच, संरक्षणमंत्री उपस्थितांना मार्गदर्शन करणार आहेत. स्कूल ऑफ आर्टिलरीमध्ये जवानांना तोफांचे प्रशिक्षण दिले जाते. त्यामुळे या तोफा येथेच लष्कराच्या हवाली केल्या जाणार आहेत. पाकिस्तान आणि चीन या दोन्ही देशांच्या सीमेवर या तोफा येत्या काळात तैनात होणार असून त्याद्वारे अचूक लक्ष्य भेदण्यात लष्कराला मदत होणार आहे.