पदाधिकारी-अधिकाऱ्यांमध्ये वादावादी
म. टा. खास प्रतिनिधी, नाशिक
मुख्यमंत्र्यांनी होर्डिंग लावू नका, असे आदेश देऊनही भाजपच्या आमदारांसह पदाधिकाऱ्यांनी शहराचे विद्रुपीकरण केले होते. त्यामुळे महापालिकेने उच्च न्यायालयाच्या आदेशाची दखल घेत सलग दुसऱ्या दिवशी अनधिकृतपणे लावण्यात आलेल्या होर्डिंग्ज व बॅनरवर कारवाई केली. पहिल्या दिवशी ६५ होर्डिंग हटवल्यानंतर दुसऱ्या दिवशी ५० होर्डिंग हटवण्यात आले. नाशिकमध्ये आमदार पदाधिकारी आणि नगरसेवकांमध्ये होर्डिंग लावण्याची जणू स्पर्धा लावली आहे. शहरातील महत्त्वाचे चौक, रस्ते, वाहतूक बेटावरही होर्डिंग्ज आहेत. त्यामुळे महापालिकासह सत्ताधारी भाजपला नागरिकांकडून लक्ष्य करण्यात आले. त्यामुळे महापालिकेने सोमवारी ६५ होर्डिंग्ज हटवले तर तिघांवर गुन्हा दाखल केला.