म. टा. प्रतिनिधी, देवळाली कॅम्प
नाशिक परिसरात वाढती गुन्हेगारी व सतत होत असलेल्या चेन स्नॅचिंगच्या गुन्ह्यांना आळा घालण्यासाठी देवळाली परिसरात सकाळच्या सुमारास रेस्ट कॅम्प रोड येथील वर्कशॉप चौफुलीवर देवळाली कॅम्प पोलिस ठाण्याच्या वतीने तसेच त्रिमूर्ती चौकातही नाकेबंदी करीत वाहनांची तपासणी करण्यात आली.
पोलिस आयुक्तालय हद्दीत काही दिवसांपासून गुन्हेगारी व चेन स्नॅचिंगसारख्या घटना रोज घडत आहेत. नाशिकरोड व नाशिक परिसरातून चेन स्नॅचिंग करणारे गुन्हेगार पोलिसांच्या तावडीतून सुटका मिळविण्यासाठी ग्रामीण भागाकडे पलायन करतात. त्यामुळे शहर वाहतूक विभाग व देवळाली कॅम्प पोलिस स्टेशन यांच्यातर्फे ग्रामीण भागाला जोडणाऱ्या विविध रस्त्यांवर नाकाबंदी करण्यात आली. दुपारपर्यंत चार वाहनांवर कारवाई करण्यात आली. सहाय्यक पोलिस निरीक्षक विजय राठोड यांच्यासह गणपत मुठाळ, अलाउद्दीन शेख, पो. हवालदार झाडे, वाहतूक विभागाचे निळकंठ भुजबळ, शरद ठाकरे आदींसह पोलिस कर्मचारी उपस्थित होते. पोलिसांनी त्रिमूर्ती चौकीतही नाकाबंदी करून वाहनांची तपासणी केली. यामुळे वाहनधारकांचे धाबे दणाणले होते.
नाशिक परिसरात वाढती गुन्हेगारी व सतत होत असलेल्या चेन स्नॅचिंगच्या गुन्ह्यांना आळा घालण्यासाठी देवळाली परिसरात सकाळच्या सुमारास रेस्ट कॅम्प रोड येथील वर्कशॉप चौफुलीवर देवळाली कॅम्प पोलिस ठाण्याच्या वतीने तसेच त्रिमूर्ती चौकातही नाकेबंदी करीत वाहनांची तपासणी करण्यात आली.
पोलिस आयुक्तालय हद्दीत काही दिवसांपासून गुन्हेगारी व चेन स्नॅचिंगसारख्या घटना रोज घडत आहेत. नाशिकरोड व नाशिक परिसरातून चेन स्नॅचिंग करणारे गुन्हेगार पोलिसांच्या तावडीतून सुटका मिळविण्यासाठी ग्रामीण भागाकडे पलायन करतात. त्यामुळे शहर वाहतूक विभाग व देवळाली कॅम्प पोलिस स्टेशन यांच्यातर्फे ग्रामीण भागाला जोडणाऱ्या विविध रस्त्यांवर नाकाबंदी करण्यात आली. दुपारपर्यंत चार वाहनांवर कारवाई करण्यात आली. सहाय्यक पोलिस निरीक्षक विजय राठोड यांच्यासह गणपत मुठाळ, अलाउद्दीन शेख, पो. हवालदार झाडे, वाहतूक विभागाचे निळकंठ भुजबळ, शरद ठाकरे आदींसह पोलिस कर्मचारी उपस्थित होते. पोलिसांनी त्रिमूर्ती चौकीतही नाकाबंदी करून वाहनांची तपासणी केली. यामुळे वाहनधारकांचे धाबे दणाणले होते.