म. टा.वृत्तसेवा, नाशिकरोड
हायकोर्टाच्या आदेशानुसार सध्या शहरात वृक्षतोडीवर स्टे असताना महापालिकेने नाशिकरोडला महावितरण कार्यालयाशेजारी आंब्याच्या जुन्या झाडाची मोठी फांदी तोडली. मात्र, ही फांदी रात्री पडल्याचा दावा ठेकेदाराने केला आहे. ऐन उन्हाळ्यात ही फांदी तोडल्याने नाराजी व्यक्त होत आहे.
वृक्षप्रेमींनी ही फांदी तोडल्याची बाब आज सकाळी महापालिकेला कळवली. महापालिकेने ठेकेदारामार्फत त्वरित ही फांदी व पालापाचोळा ट्रॅक्टरद्वारे हटवला. वाहतुकीला अडथळा येत
असल्याने ही फांदी तोडल्याचा खुलासा करण्यात आला. मात्र, येथे अनेक वर्षांपासून हे झाड महावितरणच्या भिंतीलगत आहे. परंतु, कधी फांदीचा अडथळा झाला नाही, मग आताच कसा झाला, असा प्रश्न नागरिकांनी उपस्थित केला. ठेकेदाराला नागरिकांनी फांदी तोडल्याचा जाब विचारला असता त्याने फांदी आपोआप पडल्याने वाहतुकीला अडथळा झाला म्हणून ती हटविल्याचे सांगितले.
हायकोर्टाच्या आदेशानुसार सध्या शहरात वृक्षतोडीवर स्टे असताना महापालिकेने नाशिकरोडला महावितरण कार्यालयाशेजारी आंब्याच्या जुन्या झाडाची मोठी फांदी तोडली. मात्र, ही फांदी रात्री पडल्याचा दावा ठेकेदाराने केला आहे. ऐन उन्हाळ्यात ही फांदी तोडल्याने नाराजी व्यक्त होत आहे.
वृक्षप्रेमींनी ही फांदी तोडल्याची बाब आज सकाळी महापालिकेला कळवली. महापालिकेने ठेकेदारामार्फत त्वरित ही फांदी व पालापाचोळा ट्रॅक्टरद्वारे हटवला. वाहतुकीला अडथळा येत
असल्याने ही फांदी तोडल्याचा खुलासा करण्यात आला. मात्र, येथे अनेक वर्षांपासून हे झाड महावितरणच्या भिंतीलगत आहे. परंतु, कधी फांदीचा अडथळा झाला नाही, मग आताच कसा झाला, असा प्रश्न नागरिकांनी उपस्थित केला. ठेकेदाराला नागरिकांनी फांदी तोडल्याचा जाब विचारला असता त्याने फांदी आपोआप पडल्याने वाहतुकीला अडथळा झाला म्हणून ती हटविल्याचे सांगितले.