अ‍ॅपशहर

देवळ्यात पाणीटंचाई; आंदोलनाचा इशारा

गिरणा नदीला पाणी असतानाही केवळ ठेकेदाराच्या निष्काळजीपणामुळे देवळा शहरातील पाणीपुरवठा योजना पूर्णतः विस्कळीत झाला आहे.

Maharashtra Times 14 Jul 2017, 4:00 am
म. टा. वृत्तसेवा, कळवण
महाराष्ट्र टाइम्स.कॉम dewala water problem
देवळ्यात पाणीटंचाई; आंदोलनाचा इशारा


गिरणा नदीला पाणी असतानाही केवळ ठेकेदाराच्या निष्काळजीपणामुळे देवळा शहरातील पाणीपुरवठा योजना पूर्णतः विस्कळीत झाला आहे. येत्या दोन दिवसात शहराचा पाणीपुरवठा सुरळीत झाला नाही, तर नाशिक येथील मुख्य कार्यकारी अधिकाऱ्यांच्या दालनात ठिय्या आंदोलन छेडण्यात येईल, असा इशारा शिवराजे मित्रमंडळाचे संस्थापक अध्यक्ष किरण आहेर यांनी पत्रकाद्वारे दिला आहे. ठेकेदाराच्या निष्काळजीपणामुळे वीस दिवसांपासून पूर्णक्षमतेने पाणीपुरवठा होऊ शकलेला नाही. देवळा नगरपंचातीची निर्मिती होऊन तब्बल दोन वर्षे झाली. मात्र स्वतंत्र पाणीपुरवठा योजना अद्यापही नगरपंचायतीकडे हस्तांतरित झाली नाही. त्यामुळे ठेकेदाराची मनमानी वाढली असून पाणीपुरवठा योजनेवर दुरुस्तीचा खर्च कुणी करायचा, असा प्रश्न उपस्थित होत आहे. शहरातील उपनगरांमधील नागरिकांना पाणीटंचाईला सामोरे जावे लागत आहे. उपनगरात पूर्ण क्षमतेने पाणीपुरवठा न झाल्यास पुढील काळात नगरपंचायतीचा कोणताही कर न भरण्याचा निर्णय नागरिकांनी घेतला आहे.

पाणीपुरवठा योजनेवरील विद्युतपंप तीन दिवसांपासून नादुरुस्त आहेत. ठेकेदाराच्या दुर्लक्षामुळे ही दुरुस्ती रखडली आहे. याबाबत ठेकेदाराशी संपर्क साधण्याचा प्रयत्न केला असता त्यांच्याकडून उडवाउडवीची उत्तरे मिळत आहेत.सध्या गिरणा नदीला आवर्तन सुटलेले आहे. मात्र केवळ ठेकेदाराच्या निष्काळजीपणामुळे देवळावासीयांना कृत्रिम पाणीटंचाईला सामोरे जावे लागत आहे. येत्या दोन दिवसात देवळा शहरातील पाणीपुरवठा सुरळीत न झाल्यास ठिय्या आंदोलन छेडण्याचा देण्यात आला आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज