म. टा. खास प्रतिनिधी, नाशिक
इन्स्टिट्युट ऑफ कॉस्ट अकांऊटंस्टतर्फे बुधवारी १० जुलै रोजी केंद्रीय अर्थसंकल्पावर चर्चासत्राचे आयोजन करण्यात आले आहे. परशुराम सायखेडकर सभागृहात सायंकाळी ५.३० वाजता हा कार्यक्रम होणार आहे. यात सीएमओ रविंद्र देवधर, अर्थतज्ज्ञ प्रा. शिशिर सिंदेकर, सीए अभिजीत मोदी हे मार्गदर्शन करणार आहे.
केंद्रीय अर्थमंत्री निर्मला सीतारामन यांनी नुकताच सादर केला. या अर्थसंकल्पात करप्रणीलीमध्ये करण्यात आलेले बदल तसेच इतर तरतुदी संबंधी सर्वसामान्य जनतेला व व्यापाऱ्यांना माहिती व्हावी यासाठी या चर्चासत्राचे आयोजन केले असल्याची माहिती या इन्स्टिट्युटचे नाशिक व ओझर चॅप्टरचे अध्यक्ष दीपक जोशी यांनी दिली. अर्थसंकल्पात असलेले डायरेक्ट व इनडायरेक्ट टॅक्सेस बऱ्याच वेळा कळत नाहीत. त्यामुळे या चर्चासत्रातून त्याची माहिती मिळणार आहे. अर्थसंकल्पात अनेक तरतुदीही करण्यात आल्या आहेत. त्याचेही मार्गदर्शन या चर्चासत्रात तज्ज्ञ करणार आज्त. त्याचबरोबर व्यापाऱ्यांच्या व सर्वसामान्यांच्या मनातील प्रश्नालाही येथे उत्तर दिले जाणार आहेत. या चर्चासत्राला सर्वांनी उपस्थित राहावे, असे आवाहन अध्यक्ष दीपक जोशी, उपाध्यक्ष भूषण पागेरे, सचिव स्वप्नील खराडे, मयुर निकम, अर्पिता फेगडे यांनी केले आहे. इन्स्टिट्युट ऑफ कॉस्ट अकांऊटंस्ट ही भारतातील अग्रगण्य संस्था असून, आतापर्यंत या संस्थेतर्फे नवीन करप्रणाली विषयी चर्चासत्र घेतले जाते. त्याचप्रमाणे संस्थेतर्फे मार्गदर्शन शिबिरे व कोर्सेसही शिकवले जातात. या कार्यक्रमाचे मीडिया पार्टनर 'महाराष्ट्र टाइम्स' आहे.