सेलिब्रेशनला फाटा देत सॅनिटायझर वाटप
देवळाली कॅम्प : येथील लष्करी विभागात कामाला असलेल्या राजू तिसावर या कर्मचाऱ्याने आपल्या मुलाच्या वाढदिवसानिमित्त हॅण्ड सॅनिटायझरचे वाटप केले. आपल्या मुलगा साहिल याचा वाढदिवस मोठा साजरा करायचा असे आधी ठरले होते. मात्र देशावर ओढवलेल्या करोना नामक संकटामुळे हा भव्य दिव्य पद्धतीने साजरा करण्यात येणारा वाढदिवस रद्द करून त्या खर्चातून भगूर- देवळाली-विहितगाव परिसरात कर्तव्यासाठी रस्त्यावर उभ्या असलेल्या पोलिस अधिकारी व कर्मचाऱ्यांना हॅण्ड सॅनिटायझरच्या ५० बाटल्या वाटप करण्यात आल्या. यावेळी सहाय्यक पोलिस निरीक्षक प्रकाश गीते यांनी आजची परिस्थिती पाहता उगाच खर्च न करता समाजोपयोगी उपक्रम राबविण्याची आज गरज असल्याचे सांगितले.