दीपस्तंभ पुरस्काराचे
शुक्रवारी वितरण
म. टा. प्रतिनिधी, नाशिक
सामाजिक ऋण फेडण्याच्या हेतूने शुक्ल यजुर्वेदीय माध्यंदिन ब्राह्मण संस्थेतर्फे ऋषीपंचमीच्या निमित्ताने गुरूतुल्य व्यक्तिमत्त्वांचा सन्मान करण्यात येतो. या व्यक्तिमत्त्वांना दीपस्तंभ पुरस्काराने सन्मानित करण्यात येते. शुक्रवारी (दि.२१ सप्टेंबर) रोजी पंचवटी येथील शुल्क यजुर्वेदीय माध्यंदिन ब्राह्मण संस्थेच्या यजुर्वेद मंदिरात दुपारी ४.३० वाजता हा सोहळा संपन्न होणार आहे. सोहळ्याचे प्रमुख पाहुणे म्हणून संस्कृत ज्ञानवंत पं. प्रभाकर भातखंडे आणि डॉ. शिरीष देशपांडे उपस्थित असणार आहेत. सोहळ्यात प्रा. विलास औरंगाबादकर, डॉ.विनय ठकार, डॉ. विकास गोगटे, आबा देशमुख, आत्माराम कुलकर्णी, पुरुषोत्तम कुलकर्णी, अॅड. सी. डी. कुलकर्णी, प्रा.सतीश कुलकर्णी, हभप हेमाताई पाठक, वे. मू. सुधाकर गर्गे, कविवर्य उपेंद्र पाराशरे यांना गौरविण्यात येणार आहे. सोहळ्यास नाशिककरांनी आवर्जून उपस्थित रहावे, असे आवाहन संस्थेचे अध्यक्ष सतीश शुक्ल, उपाध्यक्ष अँड.भानुदास शौचे, माधवराव भणगे, उदयकुमार मुंगी यांसह संयोजन समितीच्या पदाधिकाऱ्यांनी केले आहे.