म. टा. वृत्तसेवा, नाशिकरोड
जेलरोडच्या दुर्गामाता देवस्थान ट्रस्टतर्फे जागतिक महिला दिनानिमित्त ८ मार्च रोजी सायंकाळी पाच वाजता दुर्गामाता मंदिरात कर्तृत्वान महिलांचा सत्कार होणार असल्याची माहिती संस्थापक अध्यक्ष व माजी नगरसेवक शैलेश ढगे, अशोक वाणी यांनी दिली.
येवल्याच्या मुख्य कार्यकारी अधिकारी संगीता नांदूरकर, जलतरणपटू प्रगती बच्छाव, सिनेअभिनेत्री अंजली पाटील यांचा दुर्गाशक्ती पुरस्कार देऊन सत्कार केला जाणार आहे. जिल्हाधिकारी सूरज मांढरे, भुजबळ नॉलेज सिटीच्या संचालिका शेफाली भुजबळ, पोलिस अधिकारी पोर्णिमा चौगुले, ट्रस्टचे सचिव रमेश डहाळे, गजानन महाजन यांची प्रमुख उपस्थिती राहील. नृत्यांगणा हार्दिका बागूल भरतनाट्यमचे प्रात्यक्षिक सादर करेल. 'मुलगी नको गं बाई मुलगाच का हवा' या विषयावरील निबंध स्पर्धेचे पारितोषिक वितरण यावेळी होईल.