नाशिकः विभागीय क्रीडा संकुल, एकलव्य क्रीडा प्रबोधिनी, सय्यद पिंप्री येथील तालुका क्रीडा संकुल यांच्याबरोबरच नाशिक जिल्ह्यातील क्रीडा क्षेत्राच्या विकासाला बुस्ट देण्यासाठी नाशिक येथील शिवाजी स्टेडियमच्या जागेवर जिल्हा क्रीडा संकुलाचे काम प्रस्तावित आहे. याबाबत जिल्हाधिकारी कार्यालयात नुकतीच बैठक झाली. त्यात संकुलाचा सविस्तर आराखडा तयार करण्यात आला असून, प्रशासकीय पूर्तता होताच या कामाला सुरुवात होणार आहे.
याबाबत जिल्हा क्रीडा समितीची बैठक जिल्हाधिकारी कार्यालयात जिल्हाधिकाऱ्यांच्या अध्यक्षतेखाली घेण्यात आली. त्यात आठ कोटी रुपयांच्या खर्चाचा आराखडा तयार करण्यात आला. नाशिक शहरातील खेळाडूंना हक्काचे स्टेडियम नाही. त्यासाठी शहरात एखादे स्टेडियम असावे, या विचाराने तत्कालीन जिल्हा क्रीडा अधिकारी संजय सबनीस यांनी स्टेडियमचा आराखडा तयार केला होता. या आराखड्यात खेळाडूंना लागणाऱ्या सर्व सुविधा एकाच ठिकाणी मिळाव्यात अशी तजवीज करण्यात आली आहे. हा आराखडा प्रत्यक्षात यावा यासाठी सध्याचे जिल्हा क्रीडा अधिकारी रवींद्र नाईक हेदेखील प्रयत्न करीत आहेत.
शहराच्या मध्यवस्तीत असलेले शिवाजी स्टेडियम अत्यंत जीर्ण झाले आहे. मुळातच ही जागा जिल्हा परिषदेच्या मालकीची असल्याने या ठिकाणी वापराला व दुरुस्तीला मर्यादा येतात. या ठिकाणी स्टेडियम झाल्यास खेळाडूंना हक्काची जागा मिळेल व अनेक खेळ एकाच छताखाली सुरू होतील. आजही या जागेत कबड्डी, खोखो, नेमबाजी, फुटबॉल अशा खेळांचे सामने आयोजित केले जातात. परंतु या ठिकाणी पुरेशा सुविधा नसल्याने महिला खेळाडूंचे हाल होतात. तांत्रिक बाबतीतही अनेक तडजोडी कराव्या लागतात. नव्याने होणाऱ्या स्टेडियममध्ये इनडोअर आणि आउटडोअर दोन्ही खेळांचा विचार करण्यात आला आहे. यातील तांत्रिक अडचणी दूर कशा होतील याचा प्रामुख्याने विचार केला आहे. या कामात ग्राऊंड तयार करणे, इनडोअर हॉलचे काम करणे, डॉर्मेटरी हॉल व वसतिगृहाच्या १२२ खोल्यांचे काम करणे, कार्यालय इमारत व सुसज्ज अशा स्टेजचे काम करणे, पार्किंग ग्राऊंड तयार करणे, प्रेक्षक गॅलरी तयार करणे, फर्निचर व इतर कामे करणे इत्यादींचा समावेश आहे. ज्या जिल्ह्यामध्ये विभागीय क्रीडा संकुल आहे, अशा ठिकाणी जिल्हा क्रीडा संकुल देण्यात येत नाही. परंतु, नुकतेच नागपूरला विशेष बाब म्हणून जिल्हा क्रीडा संकुल देण्यात आले. निवडणुकीच्या आधी नाशिकला जे काही हवे असेल, ते मी देण्यास कटीबध्द असेल असे आश्वासन मुख्यमंत्र्यांनी नाशिकच्या सभेत दिले होते. त्याच पार्श्वभूमीवर हे स्टेडियम होत असल्याची चर्चा खेळाडूंमध्ये होती.
सध्याच्या छत्रपती स्टेडियमवर विशेष बाब म्हणून जिल्हा क्रीडा संकुलाचा प्रस्ताव तयार करण्यात आला आहे. प्रशासकीय पूर्तता झाल्यानंतर लगेचच कामाला सुरुवात होईल.
- रवींद्र नाईक, जिल्हा क्रीडा अधिकारी, नाशिक
खेळाचे मैदान-१ कोटी ९७ लाख ३६ हजार ३५३ रुपये
इनडोअर हॉल- १ कोटी ३७ लाख १५ हजार ६२५ रुपये
वसतिगृह- २ कोटी ४१ लाख ३९ हजार ५०० रुपये
ऑफिस बिल्डिंग- ४३ लाख ८९ हजार रुपये
अंतर्गत पार्किंग - ४९ लाख ८० हजार रुपये
गॅलरी- ४७ लाख ८८ हजार रुपये
फर्निचर- ७५ लाख रुपये
अतिरिक्त खर्च - ३८ लाख ७ हजार ९२४ रुपये
एकूण प्रस्तावित खर्च- ७ कोटी ९९ लाख ६६ हजार ४०१ रुपये
याबाबत जिल्हा क्रीडा समितीची बैठक जिल्हाधिकारी कार्यालयात जिल्हाधिकाऱ्यांच्या अध्यक्षतेखाली घेण्यात आली. त्यात आठ कोटी रुपयांच्या खर्चाचा आराखडा तयार करण्यात आला. नाशिक शहरातील खेळाडूंना हक्काचे स्टेडियम नाही. त्यासाठी शहरात एखादे स्टेडियम असावे, या विचाराने तत्कालीन जिल्हा क्रीडा अधिकारी संजय सबनीस यांनी स्टेडियमचा आराखडा तयार केला होता. या आराखड्यात खेळाडूंना लागणाऱ्या सर्व सुविधा एकाच ठिकाणी मिळाव्यात अशी तजवीज करण्यात आली आहे. हा आराखडा प्रत्यक्षात यावा यासाठी सध्याचे जिल्हा क्रीडा अधिकारी रवींद्र नाईक हेदेखील प्रयत्न करीत आहेत.
शहराच्या मध्यवस्तीत असलेले शिवाजी स्टेडियम अत्यंत जीर्ण झाले आहे. मुळातच ही जागा जिल्हा परिषदेच्या मालकीची असल्याने या ठिकाणी वापराला व दुरुस्तीला मर्यादा येतात. या ठिकाणी स्टेडियम झाल्यास खेळाडूंना हक्काची जागा मिळेल व अनेक खेळ एकाच छताखाली सुरू होतील. आजही या जागेत कबड्डी, खोखो, नेमबाजी, फुटबॉल अशा खेळांचे सामने आयोजित केले जातात. परंतु या ठिकाणी पुरेशा सुविधा नसल्याने महिला खेळाडूंचे हाल होतात. तांत्रिक बाबतीतही अनेक तडजोडी कराव्या लागतात. नव्याने होणाऱ्या स्टेडियममध्ये इनडोअर आणि आउटडोअर दोन्ही खेळांचा विचार करण्यात आला आहे. यातील तांत्रिक अडचणी दूर कशा होतील याचा प्रामुख्याने विचार केला आहे. या कामात ग्राऊंड तयार करणे, इनडोअर हॉलचे काम करणे, डॉर्मेटरी हॉल व वसतिगृहाच्या १२२ खोल्यांचे काम करणे, कार्यालय इमारत व सुसज्ज अशा स्टेजचे काम करणे, पार्किंग ग्राऊंड तयार करणे, प्रेक्षक गॅलरी तयार करणे, फर्निचर व इतर कामे करणे इत्यादींचा समावेश आहे. ज्या जिल्ह्यामध्ये विभागीय क्रीडा संकुल आहे, अशा ठिकाणी जिल्हा क्रीडा संकुल देण्यात येत नाही. परंतु, नुकतेच नागपूरला विशेष बाब म्हणून जिल्हा क्रीडा संकुल देण्यात आले. निवडणुकीच्या आधी नाशिकला जे काही हवे असेल, ते मी देण्यास कटीबध्द असेल असे आश्वासन मुख्यमंत्र्यांनी नाशिकच्या सभेत दिले होते. त्याच पार्श्वभूमीवर हे स्टेडियम होत असल्याची चर्चा खेळाडूंमध्ये होती.
सध्याच्या छत्रपती स्टेडियमवर विशेष बाब म्हणून जिल्हा क्रीडा संकुलाचा प्रस्ताव तयार करण्यात आला आहे. प्रशासकीय पूर्तता झाल्यानंतर लगेचच कामाला सुरुवात होईल.
- रवींद्र नाईक, जिल्हा क्रीडा अधिकारी, नाशिक
खेळाचे मैदान-१ कोटी ९७ लाख ३६ हजार ३५३ रुपये
इनडोअर हॉल- १ कोटी ३७ लाख १५ हजार ६२५ रुपये
वसतिगृह- २ कोटी ४१ लाख ३९ हजार ५०० रुपये
ऑफिस बिल्डिंग- ४३ लाख ८९ हजार रुपये
अंतर्गत पार्किंग - ४९ लाख ८० हजार रुपये
गॅलरी- ४७ लाख ८८ हजार रुपये
फर्निचर- ७५ लाख रुपये
अतिरिक्त खर्च - ३८ लाख ७ हजार ९२४ रुपये
एकूण प्रस्तावित खर्च- ७ कोटी ९९ लाख ६६ हजार ४०१ रुपये