कंपन्यांकडून बोनस जाहीर, बाजारपेठा गजबजणार
...
म. टा. वृत्तसेवा, सातपूर
सीटू युनियन असलेल्या कंपन्यांमध्ये दिवाळी बोनस जाहीर करण्यात आला असल्याची माहिती सीटूचे सीताराम ठोंबरे यांनी दिली. यामुळे कामगारांमध्ये आनंदाचे वातावरण आहे. पुढील दोन दिवस बोनस जाहीर झालेल्या कंपन्यांमधील कामगार खरेदीसाठी बाहेर पडणार असल्याने शहरातील बाजारपेठा गर्दीने गजबजणार आहेत.
साधारणपणे दसऱ्यानंतर बोनस जाहीर करण्यात येतो. मात्र यंदा मंदीचे कारण पुढे करीत अनेक कंपन्यांनी बोनस वाटप उशिरा केले. सातपूरमधील आनंद आय पॉवर २२ हजार, गोल्डी इंडस्ट्रिज २२ हजार, एमजी इंडस्ट्रीज १८ हजार, शेरीन ऑटो २० हजार, सागर इंजिनिअरिंग ११ हजार ५००, सोमेश फोर्जिंग १३.५० टक्के, चैतन्य फार्मा १६ टक्के, टी. डी. के इप्कॉस ३० टक्के, सिप्रा इंजिनीअरिंग युनिट २, इंडियन व्हाल्व २० टक्के तर अंबड औद्योगिक वसाहतीत नाशिक स्टील १२ हजार, सुदाल इंडस्ट्रीज ११ हजार ४००, सुमो ऑटो ११ हजार ४००, ओके टूल्स १५ हजार, एआयसी, झायलोग प्लास्टो, नोबीतीयार लिग्राड, अँडम वर्कस, फिनोटेक्स फायबर, आर्ट रबर, अल्फ इंजिनीअरिंग आदी कंपन्यांमध्ये १० ते २० टक्क्यांपर्यंत बोनस देण्यात आला आहे. या बोनसबाबत करार करण्यासाठी सरचिटणीस डॉ. डी. एल. कराड, आर. एस. पांडे, संतोष काकडे, तुकाराम सोनजे व कंपनीतील व्यवस्थापक आदी उपस्थित होते.