दहा जणांना कुत्र्याचा चावा

मनमाड : सध्या बिबट्याचा धुमाकूळ सुरू असतानाच नांदगाव शहरात कुत्र्याने धुमाकूळ घालत रविवारी (दि. ३) पहाटे ५ वाजेपासून १० जणांना चावा घेतला आहे.

यामध्ये राहुल पवार, आनंदा दाभाडे, केवलबाई पाटील यांना गंभीर दुखापत झाली असून, इतरही जखमी आहेत. राहुल पवार (१४), नीलेश वानखेडे (२७), आनंदा दाभाडे (६०), पुष्पा नागरे (४०), केवलबाई पाटील (६५), सारिका गुटेकर (३०), शीला पवार (३२), राजू थोरात (३५), प्रकाश जाधव (३०) आदींचा जखमीत समावेश आहे. चावा घेतलेले रुग्ण मल्हारवाडी, गांधीनगर, आनंद नगर, आंबेडकर नगर, रेल्वे गेट परिसरातील आहेत. तर १ तरुण पिंप्राळचा आहेे. तरी प्रशासनाने या कुत्र्याला पकडून बंदोबस्त करावा, अशी मागणी नागरिकांनी केली.