म. टा. प्रतिनिधी, नाशिक
अलीकडे पर्यावरणपूरक गणेशोत्सव साजरा करण्याकडे गणेशभक्तांचा वाढता कल दिसून येत आहे. पर्यावरण संवर्धनासाठी गेल्या काही वर्षांपासून गणेशमूर्तींचे विसर्जन नदीपात्रात करू नये, यासाठी महापालिका, पोलिस व समाजसेवी संस्थांनी पुढाकार घेतला आहे. संवर्धन संस्थेतर्फे यंदा गणेशमूर्ती दान केल्यानंतर गणेशभक्तांना एक रोप भेट देण्यात येणार आहे. अनंत चतुर्दशीच्या दिवशी हा उपक्रम शहरात राबविण्यात येणार आहे.
बाप्पांचे आगमन झाल्यापासून पर्यावरणपूरक गणेशोत्सव साजरा करण्यासाठी भक्तांनी पुढाकार घेतला आहे. यंदाच्या गणेशोत्सवात अनेकांनी शाडू मातीच्या गणेशमूर्तींची प्राणप्रतिष्ठापना केली आहे. बाप्पांना निरोप देताना नदीपात्रात मूर्तीचे विसर्जन न करता. मूर्ती दान करणार असल्याचे अनेक गणेशभक्त सांगतात. अनेक समाजसेवी संस्थांमार्फत गणेशमूर्ती संकलन अनंत चतुदर्शीच्या दिवशी शहरात करण्यात येणार आहे. शहरातील संवर्धन या संस्थेच्या वतीने गणेश मूर्ती दान करणाऱ्या भाविकांना एक रोप भेट देण्यात येणार आहे. 'एक मूर्ती, एक झाड' ही संकल्पना संवर्धन संस्थेमार्फत यंदा राबविण्यात येणार आहे. गोदावरीसह पर्यावरणाचेही संवर्धन करण्यासाठी हा उपक्रम राबविणार असल्याचे संवर्धन संस्थेच्या वतीने सांगण्यात आले.
येथे राबविणार उपक्रम
अनंत चतुर्दशीच्या दिवशी, रविवारी (दि. २३) सकाळी ९ ते सायंकाळी ५ या वेळेत घारपुरे घाट येथील सिद्धेश्वर मंदिर परिसरात हा उपक्रम राबविण्यात येणार आहे. उपक्रमांतर्गत गणेशभक्तांनी मूर्ती दान केल्यानंतर तुळस, कढीपत्ता आणि गवती चहा यांपैकी एक रोप भक्तांना भेट देण्यात येणार आहे. गणेशभक्तांनी मूर्ती दान करून रोप मिळवत पर्यावरण संवर्धनास हातभार लावावा, असे आवाहन संस्थेच्या वतीने करण्यात आले आहे.
अलीकडे पर्यावरणपूरक गणेशोत्सव साजरा करण्याकडे गणेशभक्तांचा वाढता कल दिसून येत आहे. पर्यावरण संवर्धनासाठी गेल्या काही वर्षांपासून गणेशमूर्तींचे विसर्जन नदीपात्रात करू नये, यासाठी महापालिका, पोलिस व समाजसेवी संस्थांनी पुढाकार घेतला आहे. संवर्धन संस्थेतर्फे यंदा गणेशमूर्ती दान केल्यानंतर गणेशभक्तांना एक रोप भेट देण्यात येणार आहे. अनंत चतुर्दशीच्या दिवशी हा उपक्रम शहरात राबविण्यात येणार आहे.
बाप्पांचे आगमन झाल्यापासून पर्यावरणपूरक गणेशोत्सव साजरा करण्यासाठी भक्तांनी पुढाकार घेतला आहे. यंदाच्या गणेशोत्सवात अनेकांनी शाडू मातीच्या गणेशमूर्तींची प्राणप्रतिष्ठापना केली आहे. बाप्पांना निरोप देताना नदीपात्रात मूर्तीचे विसर्जन न करता. मूर्ती दान करणार असल्याचे अनेक गणेशभक्त सांगतात. अनेक समाजसेवी संस्थांमार्फत गणेशमूर्ती संकलन अनंत चतुदर्शीच्या दिवशी शहरात करण्यात येणार आहे. शहरातील संवर्धन या संस्थेच्या वतीने गणेश मूर्ती दान करणाऱ्या भाविकांना एक रोप भेट देण्यात येणार आहे. 'एक मूर्ती, एक झाड' ही संकल्पना संवर्धन संस्थेमार्फत यंदा राबविण्यात येणार आहे. गोदावरीसह पर्यावरणाचेही संवर्धन करण्यासाठी हा उपक्रम राबविणार असल्याचे संवर्धन संस्थेच्या वतीने सांगण्यात आले.
येथे राबविणार उपक्रम
अनंत चतुर्दशीच्या दिवशी, रविवारी (दि. २३) सकाळी ९ ते सायंकाळी ५ या वेळेत घारपुरे घाट येथील सिद्धेश्वर मंदिर परिसरात हा उपक्रम राबविण्यात येणार आहे. उपक्रमांतर्गत गणेशभक्तांनी मूर्ती दान केल्यानंतर तुळस, कढीपत्ता आणि गवती चहा यांपैकी एक रोप भक्तांना भेट देण्यात येणार आहे. गणेशभक्तांनी मूर्ती दान करून रोप मिळवत पर्यावरण संवर्धनास हातभार लावावा, असे आवाहन संस्थेच्या वतीने करण्यात आले आहे.