म. टा. प्रतिनिधी, नाशिक
अवैध गर्भपात प्रकरणी सरकारवाडा पोलिसांनी गुन्हा दाखल करताच डॉ. वर्षा लहाडे यांनी अॅड. राहुल कासलीवाल यांच्या मार्फत आणखी अटकपूर्व जामीन अर्ज जिल्हा कोर्टात सादर केला आहे. या पूर्वीच्या खासगी हॉस्पिटल प्रकरणात देखील डॉ. लहाडे यांनी अटकपूर्व जामीन अर्ज सादर केला असून, त्यावर मंगळवारी (दि. १८) सुनावणी होण्याची शक्यता आहे.
सिव्हिल हॉस्पिटलमध्ये अवैध गर्भपात झाल्याप्रकरणी डॉ. वर्षा लहाडे, डॉ. कमलाकर जाधव तसेच गर्भवती महिलेसह तिच्या नातेवाईकांवर सरकारवाडा पोलिसांनी शनिवारी मध्यरात्री गुन्हा दाखल केला. या गुन्ह्यात आज, सोमवारी अॅड. अॅड. कासलीवाल यांनी लहाडेंच्यावतीने अटकपूर्व जामीन अर्ज सादर केला. डॉ. लहाडे यांच्याविरोधात खासगी हॉस्पिटल चालवणे, कागदपत्रांमध्ये फेरफार करणे, नियम बाह्य गर्भपात केंद्र चालवणे आदी कारणांमुळे म्हसरूळ पोलिस स्टेशनमध्ये गुन्हा दाखल आहे. या गुन्ह्यात डॉ. लहाडे यांच्यातर्फे अॅड. कासलीवाल यांनी अटकपूर्व जामीन अर्ज सादर केला होता. काही तांत्रिक बाबींमुळे कोर्टाने या प्रकरणाची सुनावणी पुढे ढकलली. आता, या प्रकरणात मंगळवारी (दि. १८) जिल्हा व सत्र न्यायाधीश एस. सी. शर्मा यांच्या कोर्टात सुनावणी होणार आहे. दरम्यान, एकाच व्यक्तीकडून दोन वेगवेगळ्या गुन्ह्यात अटकपूर्व अर्ज सादर झाले असून, याची सुनावणी वेगवेगळी होणार असल्याची माहिती सूत्रांनी दिली. दोन गुन्हे दाखल होऊनही डॉ. लहाडे यांची अद्याप पोलिसांनी चौकशी केलेली नाही, हे विशेष!
‘त्या’ भूलतज्ज्ञांबाबत आठ दिवसात अहवाल
डॉ. वर्षा लहाडे यांच्या प्रयाग हॉस्पिटलशी संबंधित असलेल्या त्या भूलतज्ज्ञाचा शोध घेण्यासाठी गठीत केलेल्या समितीची चौकशी सुरू आहे. या आठवड्याअखेरपर्यंत तीन सदस्य आपला अहवाल सादर करणार आहे. या चौकशीकडे आरोग्य विभागातील सर्वच डॉक्टर तसेच कर्मचाऱ्यांचे लक्ष लागले आहे. या संदर्भात ‘मटा’ने १४ एप्रिल रोजी सविस्तर वृत्त प्रसिध्द केले होते.
आरोग्य विभागात भूलतज्ज्ञ म्हणून कार्यरत असलेल्या सदर डॉक्टरच्या शिक्षणावरच प्रश्नचिन्ह उपस्थित केले जात आहे. नोकरी मिळाल्यानंतर भूलतज्ज्ञ विषयाचे शिक्षण पूर्ण करणाऱ्या संबंधित डॉक्टरने याचधर्तीवर इन्क्रीमेंट तसेच प्रमोशन मिळवले. अवैध गर्भपात प्रकरणी गुन्हा दाखल झालेल्या डॉ. लहाडे यांच्या प्रयाग हॉस्पिटलमध्ये सदर डॉक्टरचे सतत संबंध येत होता. यासंबंधी ‘मटा’ने सविस्तर वृत्त प्रसिध्द केल्यानंतर सिव्हिल सर्जन डॉ. सुरेश जगदाळे यांनी तीन सदस्यीय कमिटी गठीत करून या प्रकरणाची चौकशी करण्याचे आदेश दिले. याबाबत माहिती देताना डॉ. जगदाळे यांनी सांगितले, की सध्या चौकशीचे काम सुरू आहे. कमिटीला अहवाल सादर करण्यासाठी आठ दिवसांची मुदत देण्यात आली होती. लवकरच हा अहवाल समोर येईल, असे डॉ. त्यांनी स्पष्ट केले.
अवैध गर्भपात प्रकरणी सरकारवाडा पोलिसांनी गुन्हा दाखल करताच डॉ. वर्षा लहाडे यांनी अॅड. राहुल कासलीवाल यांच्या मार्फत आणखी अटकपूर्व जामीन अर्ज जिल्हा कोर्टात सादर केला आहे. या पूर्वीच्या खासगी हॉस्पिटल प्रकरणात देखील डॉ. लहाडे यांनी अटकपूर्व जामीन अर्ज सादर केला असून, त्यावर मंगळवारी (दि. १८) सुनावणी होण्याची शक्यता आहे.
सिव्हिल हॉस्पिटलमध्ये अवैध गर्भपात झाल्याप्रकरणी डॉ. वर्षा लहाडे, डॉ. कमलाकर जाधव तसेच गर्भवती महिलेसह तिच्या नातेवाईकांवर सरकारवाडा पोलिसांनी शनिवारी मध्यरात्री गुन्हा दाखल केला. या गुन्ह्यात आज, सोमवारी अॅड. अॅड. कासलीवाल यांनी लहाडेंच्यावतीने अटकपूर्व जामीन अर्ज सादर केला. डॉ. लहाडे यांच्याविरोधात खासगी हॉस्पिटल चालवणे, कागदपत्रांमध्ये फेरफार करणे, नियम बाह्य गर्भपात केंद्र चालवणे आदी कारणांमुळे म्हसरूळ पोलिस स्टेशनमध्ये गुन्हा दाखल आहे. या गुन्ह्यात डॉ. लहाडे यांच्यातर्फे अॅड. कासलीवाल यांनी अटकपूर्व जामीन अर्ज सादर केला होता. काही तांत्रिक बाबींमुळे कोर्टाने या प्रकरणाची सुनावणी पुढे ढकलली. आता, या प्रकरणात मंगळवारी (दि. १८) जिल्हा व सत्र न्यायाधीश एस. सी. शर्मा यांच्या कोर्टात सुनावणी होणार आहे. दरम्यान, एकाच व्यक्तीकडून दोन वेगवेगळ्या गुन्ह्यात अटकपूर्व अर्ज सादर झाले असून, याची सुनावणी वेगवेगळी होणार असल्याची माहिती सूत्रांनी दिली. दोन गुन्हे दाखल होऊनही डॉ. लहाडे यांची अद्याप पोलिसांनी चौकशी केलेली नाही, हे विशेष!
‘त्या’ भूलतज्ज्ञांबाबत आठ दिवसात अहवाल
डॉ. वर्षा लहाडे यांच्या प्रयाग हॉस्पिटलशी संबंधित असलेल्या त्या भूलतज्ज्ञाचा शोध घेण्यासाठी गठीत केलेल्या समितीची चौकशी सुरू आहे. या आठवड्याअखेरपर्यंत तीन सदस्य आपला अहवाल सादर करणार आहे. या चौकशीकडे आरोग्य विभागातील सर्वच डॉक्टर तसेच कर्मचाऱ्यांचे लक्ष लागले आहे. या संदर्भात ‘मटा’ने १४ एप्रिल रोजी सविस्तर वृत्त प्रसिध्द केले होते.
आरोग्य विभागात भूलतज्ज्ञ म्हणून कार्यरत असलेल्या सदर डॉक्टरच्या शिक्षणावरच प्रश्नचिन्ह उपस्थित केले जात आहे. नोकरी मिळाल्यानंतर भूलतज्ज्ञ विषयाचे शिक्षण पूर्ण करणाऱ्या संबंधित डॉक्टरने याचधर्तीवर इन्क्रीमेंट तसेच प्रमोशन मिळवले. अवैध गर्भपात प्रकरणी गुन्हा दाखल झालेल्या डॉ. लहाडे यांच्या प्रयाग हॉस्पिटलमध्ये सदर डॉक्टरचे सतत संबंध येत होता. यासंबंधी ‘मटा’ने सविस्तर वृत्त प्रसिध्द केल्यानंतर सिव्हिल सर्जन डॉ. सुरेश जगदाळे यांनी तीन सदस्यीय कमिटी गठीत करून या प्रकरणाची चौकशी करण्याचे आदेश दिले. याबाबत माहिती देताना डॉ. जगदाळे यांनी सांगितले, की सध्या चौकशीचे काम सुरू आहे. कमिटीला अहवाल सादर करण्यासाठी आठ दिवसांची मुदत देण्यात आली होती. लवकरच हा अहवाल समोर येईल, असे डॉ. त्यांनी स्पष्ट केले.