म. टा. खास प्रतिनिधी, नाशिक
सभासदांनी पाठ फिरवल्यामुळे अखिल भारतीय नाट्य परिषदेच्या नाशिक शाखेची वार्षिक सभा गणपूर्तीअभावी तहकूब करण्याची नामुश्की पदाधिकाऱ्यांवर ओढवली. त्यानंतर अर्ध्या तासानंतर अवघ्या २० ते २५ सभासदांच्या उपस्थितीत ही सभा पार पडली. केवळ औपचारिकता म्हणून झालेल्या या सभेत अहवाल वाचनाशिवाय एकही जिवंत विषय नसल्यामुळे ही सभा कोणताही वादा वा चर्चेविना संपली.
तब्बल बाराशेहून अधिक संख्या असलेल्या नाट्य परिषदेच्या या सभेत सभासदांच्या उपस्थितीबद्दल फारशी चर्चा न करता मागील सभेचे इतिवृत्त वाचून संमत करण्यात आले. त्यानंतर शाखेच्या कार्याचा वार्षिक अहवाल समंत करणे, कार्यकारी मंडळाने मंजूर केलेले शाखेचे एक एप्रिल २०१५ ते ३१ मार्च २०१६ चा वार्षिक हिशेब मंजूर करणे, एक एप्रिल २०१६ ते ३१ मार्च २०१७ साठीचे अंदाजपत्रक मंजूर करणे, २०१६- १७ साठी अंतर्गत हिशेब तपासनिसांची नियुक्ती करणे अशा कार्यक्रमपत्रिकेच्या विषयाला मंजुरी देण्यात आली. अध्यक्षाच्या परवानगीने येणाऱ्या विषयात कार्यकारिणी सदस्य अॅड. धर्मेंद्र चव्हाण यांनी सभासदांना एसएमएस पाठवण्याची सूचना केली. त्यानंतर इतर सभासदांनी कोणतेही विषय चर्चेत घेतले नाहीत. सभेत पाच नोव्हेंबरला होणाऱ्या रंगभूमी दिनानिमित्त नियोजित पुरस्काराबरोबर आता अतिरिक्त संगीत पुरस्कार, सांस्कृतिक पत्रकारिता पुरस्कार, बालनाट्य पुरस्कार, विशेष योगदान पुरस्कार देण्यात येणार असल्याचे सांगण्यात आले. त्यानंतर डॉ. अनिरुद्ध धर्माधिकारी यांनी दिलेल्या एक लाखाच्या देणगीबद्दल अभिनंदन करण्यात आले. त्यानंतर फारशी चर्चा न होताच ही सभा संपली.
सभेत अध्यक्ष प्रा. रवींद्र कदम, उपाध्यक्ष शाहू खैरे, कार्यवाहक सुनील ढगे, खजिनदार रवींद्र ढवळे यांच्यासह दत्ता पाटील, डॉ. अनिरुद्ध धर्माधिकारी, अॅड. धर्मेंद्र चव्हाण, ईश्वर जगताप, चंद्रकांत घुगे, अदिती मोराणकर, विजय सिंगणे, मुकंद गायधनी उपस्थित होते.
वार्षिक अहवालवाचन
नाशिक शाखेने वर्षभरात केलेल्या कार्याचे वाचन करण्यात आले. यात नाट्यवाचन, नाट्य पुरस्कार, नियामक मंडळ सभा, कालिदासदिन सोहळा, नाट्य अभिनेते प्रशांत दामले यांची शाखेस भेट, आचार्य अत्रे जयंती, बालनाट्य संमेलन, कस्टमर केअर सर्वोत्कृष्ट, मराठी रंगभूमीदिन, नाट्यजाण शिबिर, शिरवाडकर, कानेटकर, सावंत पुरस्काराची घोषणा, नाट्यसंमेलनात शाखेची एकांकिका, नलावडे यांची कार्यालयास सदिच्छा भेट यांसारख्या गोष्टीचा उल्लेख करण्यात आला.
सभासदांनी पाठ फिरवल्यामुळे अखिल भारतीय नाट्य परिषदेच्या नाशिक शाखेची वार्षिक सभा गणपूर्तीअभावी तहकूब करण्याची नामुश्की पदाधिकाऱ्यांवर ओढवली. त्यानंतर अर्ध्या तासानंतर अवघ्या २० ते २५ सभासदांच्या उपस्थितीत ही सभा पार पडली. केवळ औपचारिकता म्हणून झालेल्या या सभेत अहवाल वाचनाशिवाय एकही जिवंत विषय नसल्यामुळे ही सभा कोणताही वादा वा चर्चेविना संपली.
तब्बल बाराशेहून अधिक संख्या असलेल्या नाट्य परिषदेच्या या सभेत सभासदांच्या उपस्थितीबद्दल फारशी चर्चा न करता मागील सभेचे इतिवृत्त वाचून संमत करण्यात आले. त्यानंतर शाखेच्या कार्याचा वार्षिक अहवाल समंत करणे, कार्यकारी मंडळाने मंजूर केलेले शाखेचे एक एप्रिल २०१५ ते ३१ मार्च २०१६ चा वार्षिक हिशेब मंजूर करणे, एक एप्रिल २०१६ ते ३१ मार्च २०१७ साठीचे अंदाजपत्रक मंजूर करणे, २०१६- १७ साठी अंतर्गत हिशेब तपासनिसांची नियुक्ती करणे अशा कार्यक्रमपत्रिकेच्या विषयाला मंजुरी देण्यात आली. अध्यक्षाच्या परवानगीने येणाऱ्या विषयात कार्यकारिणी सदस्य अॅड. धर्मेंद्र चव्हाण यांनी सभासदांना एसएमएस पाठवण्याची सूचना केली. त्यानंतर इतर सभासदांनी कोणतेही विषय चर्चेत घेतले नाहीत. सभेत पाच नोव्हेंबरला होणाऱ्या रंगभूमी दिनानिमित्त नियोजित पुरस्काराबरोबर आता अतिरिक्त संगीत पुरस्कार, सांस्कृतिक पत्रकारिता पुरस्कार, बालनाट्य पुरस्कार, विशेष योगदान पुरस्कार देण्यात येणार असल्याचे सांगण्यात आले. त्यानंतर डॉ. अनिरुद्ध धर्माधिकारी यांनी दिलेल्या एक लाखाच्या देणगीबद्दल अभिनंदन करण्यात आले. त्यानंतर फारशी चर्चा न होताच ही सभा संपली.
सभेत अध्यक्ष प्रा. रवींद्र कदम, उपाध्यक्ष शाहू खैरे, कार्यवाहक सुनील ढगे, खजिनदार रवींद्र ढवळे यांच्यासह दत्ता पाटील, डॉ. अनिरुद्ध धर्माधिकारी, अॅड. धर्मेंद्र चव्हाण, ईश्वर जगताप, चंद्रकांत घुगे, अदिती मोराणकर, विजय सिंगणे, मुकंद गायधनी उपस्थित होते.
वार्षिक अहवालवाचन
नाशिक शाखेने वर्षभरात केलेल्या कार्याचे वाचन करण्यात आले. यात नाट्यवाचन, नाट्य पुरस्कार, नियामक मंडळ सभा, कालिदासदिन सोहळा, नाट्य अभिनेते प्रशांत दामले यांची शाखेस भेट, आचार्य अत्रे जयंती, बालनाट्य संमेलन, कस्टमर केअर सर्वोत्कृष्ट, मराठी रंगभूमीदिन, नाट्यजाण शिबिर, शिरवाडकर, कानेटकर, सावंत पुरस्काराची घोषणा, नाट्यसंमेलनात शाखेची एकांकिका, नलावडे यांची कार्यालयास सदिच्छा भेट यांसारख्या गोष्टीचा उल्लेख करण्यात आला.