म. टा. खास प्रतिनिधी, नाशिक
महापालिकेने शहरातील आगामी गणेशोत्सव पर्यावरणपूरक तथा इको फ्रेंडली साजरा करण्याचा निर्धार केला आहे. शहरात गणेशोत्सव पर्यावरणपूरक साजरा होण्यासाठी विविध मंडळांना आवाहन करण्यात आले असून, सर्व मंडळांनी त्यासाठी सहकार्य करावे, असे आवाहन महापौर रंजना भानसी यांनी केले. विविध मंडळांनीही याबाबत सकारात्मक भूमिका घेतली आहे. प्लास्टर ऑफ पॅरिसच्या गणेशमूर्तींचे विसर्जन करण्यासाठी महापालिका प्रत्येक विभागात पाच ते सहा अमोनियम बायोकार्बोनेटची कुंडे तयार करणार आहे. सोबतच गणेश मंडळांना लवकर परवानग्या मिळाव्यात यासाठी प्रत्येक विभागात एक खिडकी सुरू केली जाणार आहे.
महापालिकेच्या हद्दीतील सार्वजनिक गणेशोत्सव २०१७ पर्यावरणपूरक साजरा होण्याकामी नाशिक शहरातील गणेश मंडळे, सामाजिक संस्था, कंपनी, कॉलेजेस आदींची बैठक आयोजित करण्यात आली होती. या बैठकीला महापौर रंजना भानसी, अतिरिक्त आयुक्त किशोर बोर्डे, उपमहापौर प्रथमेश गिते, स्थायी समितीचे सभापती शिवाजी गांगुर्डे, सभागृहनेता दिनकर पाटील, गटनेता संभाजी मोरुस्कर, प्रभाग समिती सभापती डॉ. हेमलता पाटील, माधुरी बोलकर, प्रियांका माने, वैद्यकीय अधिकारी, डॉ. सुनील बुकाणे यांच्यासह मोठ्या संख्येने गणेश मंडळांचे अध्यक्ष, पदाधिकारी, सामाजिक संस्थांचे प्रतिनिधी उपस्थित होते. यावेळी बुकाणे यांनी शाडूच्या मातीच्या गणेशमूर्तींचा वापर करून पर्यावरणपूरक गणेशोत्सव साजरा करण्याबाबत, विर्सजनप्रसंगी अमोनियम बायोकार्बोनेट पावडरचा वापर करण्याबाबत व एक गाव एक गणपती ही संकल्पना राबवून पर्यावरणपूरक गणेशोत्सव साजरा होण्याबाबतची माहिती विशद केली. यावेळी अनेक मंडळांकडूनही महापालिकेला सूचना करण्यात आल्या. त्यात गणेश मंडळ परवानगीबाबत एक खिडकी विभाग सुरू करून प्रत्येक मंडळालाना दोन डस्ट बीन पुरविणे व कृत्रिम तलाव तयार करणे याबाबत सूचना करण्यात आल्या. पर्यावरणपूरक गणेशोत्सव साजरा करण्याकामी सर्वोतोपरी सहकार्य करण्याचे आश्वासन विविध मंडळांच्या प्रतिनिधींनी यावेळी दिले.
--
महापालिकेच्या प्रमुख सूचना
-शाडू मातीच्या गणेशमूर्तींचा करावा वापर.
-ध्वनिप्रदूषण टाळण्यासाठी वापरावीत पारंपरिक वाद्ये.
-डेकोरेशन साहित्य असावे पर्यावरणपूरक.
-जास्त मंडळांनी मिळून एक गणपती करावा स्थापन.
-मंडळांनी टाळावा प्लास्टिकचा वापर.
-मूर्ती व निर्माल्य करावे दान.
-मंडळाचा परिसर ठेवावा स्वच्छ.
महापालिकेने शहरातील आगामी गणेशोत्सव पर्यावरणपूरक तथा इको फ्रेंडली साजरा करण्याचा निर्धार केला आहे. शहरात गणेशोत्सव पर्यावरणपूरक साजरा होण्यासाठी विविध मंडळांना आवाहन करण्यात आले असून, सर्व मंडळांनी त्यासाठी सहकार्य करावे, असे आवाहन महापौर रंजना भानसी यांनी केले. विविध मंडळांनीही याबाबत सकारात्मक भूमिका घेतली आहे. प्लास्टर ऑफ पॅरिसच्या गणेशमूर्तींचे विसर्जन करण्यासाठी महापालिका प्रत्येक विभागात पाच ते सहा अमोनियम बायोकार्बोनेटची कुंडे तयार करणार आहे. सोबतच गणेश मंडळांना लवकर परवानग्या मिळाव्यात यासाठी प्रत्येक विभागात एक खिडकी सुरू केली जाणार आहे.
महापालिकेच्या हद्दीतील सार्वजनिक गणेशोत्सव २०१७ पर्यावरणपूरक साजरा होण्याकामी नाशिक शहरातील गणेश मंडळे, सामाजिक संस्था, कंपनी, कॉलेजेस आदींची बैठक आयोजित करण्यात आली होती. या बैठकीला महापौर रंजना भानसी, अतिरिक्त आयुक्त किशोर बोर्डे, उपमहापौर प्रथमेश गिते, स्थायी समितीचे सभापती शिवाजी गांगुर्डे, सभागृहनेता दिनकर पाटील, गटनेता संभाजी मोरुस्कर, प्रभाग समिती सभापती डॉ. हेमलता पाटील, माधुरी बोलकर, प्रियांका माने, वैद्यकीय अधिकारी, डॉ. सुनील बुकाणे यांच्यासह मोठ्या संख्येने गणेश मंडळांचे अध्यक्ष, पदाधिकारी, सामाजिक संस्थांचे प्रतिनिधी उपस्थित होते. यावेळी बुकाणे यांनी शाडूच्या मातीच्या गणेशमूर्तींचा वापर करून पर्यावरणपूरक गणेशोत्सव साजरा करण्याबाबत, विर्सजनप्रसंगी अमोनियम बायोकार्बोनेट पावडरचा वापर करण्याबाबत व एक गाव एक गणपती ही संकल्पना राबवून पर्यावरणपूरक गणेशोत्सव साजरा होण्याबाबतची माहिती विशद केली. यावेळी अनेक मंडळांकडूनही महापालिकेला सूचना करण्यात आल्या. त्यात गणेश मंडळ परवानगीबाबत एक खिडकी विभाग सुरू करून प्रत्येक मंडळालाना दोन डस्ट बीन पुरविणे व कृत्रिम तलाव तयार करणे याबाबत सूचना करण्यात आल्या. पर्यावरणपूरक गणेशोत्सव साजरा करण्याकामी सर्वोतोपरी सहकार्य करण्याचे आश्वासन विविध मंडळांच्या प्रतिनिधींनी यावेळी दिले.
--
महापालिकेच्या प्रमुख सूचना
-शाडू मातीच्या गणेशमूर्तींचा करावा वापर.
-ध्वनिप्रदूषण टाळण्यासाठी वापरावीत पारंपरिक वाद्ये.
-डेकोरेशन साहित्य असावे पर्यावरणपूरक.
-जास्त मंडळांनी मिळून एक गणपती करावा स्थापन.
-मंडळांनी टाळावा प्लास्टिकचा वापर.
-मूर्ती व निर्माल्य करावे दान.
-मंडळाचा परिसर ठेवावा स्वच्छ.