म. टा. वृत्तसेवा, सातपूर
येथील औद्योगिक परिसराला लागून असलेल्या कामगारनगर भागात बुधवारी मध्यरात्री टवाळखोरांना आठ चारचाकी वाहनांची तोडफोड करून दहशत निर्माण केली. यासंदर्भातील तक्रारीनंतर वरिष्ठ पोलिस अधिकाऱ्यांनी येथे गुरुवारी दिवसभर ठाण मांडून अनेक संशयितांची चौकशी केल्यानंतर रात्री तीन संशयितांना ताब्यात घेतले. पोलिसांनी त्यांची परिसरातून धिंडदेखील काढली. या प्रकरणी गुन्हा नोंदविण्याचे काम सुरू होते.
या घटनेची माहिती समजताच पोलिस उपायुक्त श्रीकृष्ण कोकाटे, सहाय्यक आयुक्त अशोक नखाते, सातपूरचे वरिष्ठ निरीक्षक अविनाश सोनावणे व सहकाऱ्यांनी घटनास्थळी पाहणी केली. यावेळी स्थानिक महिलांनी टवाळखोरांकडून होणाऱ्या त्रासासंदर्भात तक्रारी केल्यावर अधिकाऱ्यांनी येथे ठाण मांडून धडक कारवाई केली.
--
वर्गणीवरून तोडफोडीचा संशय
कामगारनगरला लागून असलेल्या एमआयडीसीच्या रस्त्यावर भंडाऱ्याचे आयोजन केले जाते. परंतु, स्थानिक रहिवाशांनी त्यासाठी वर्गणी नाकारल्यानेच वाहनांची तोडफोड केली असल्याचा संशय परिसरातून व्यक्त केला जात आहे. पोलिसदेखील भंडारा भरणारे नक्की कोण व कुठले आहेत, याच्या तपासाला लागले आहेत. रहिवाशांनीदेखील टवाळखोरांकडून त्रास होत असल्यास तत्काळ पोलिसांना माहिती देण्याची गरज असल्याचे उपायुक्त कोकाटे यांनी यावेळी सांगितले.
--
‘ते’ संशयित मोकाटच
सातपूर कॉलनीच्या कामगार वस्तीत दोन वर्षांपूर्वी बाराहून अधिक चारचाकी वाहनांची तोडफोड करण्यात आली होती. त्यानंतर पोलिसांना सीसीटीव्ही फुटेजही मिळाले होते. परंतु, त्यात टवाळखोरांचा चेहेराच न दिसल्याने संशयित मोकाटच राहिले. त्यानंतर बुधवारी मध्यरात्री पुन्हा कामगारनगर भागात आठ चारचाकी वाहनांची तोडफोड करण्यात आल्याने दहशतीचे वातावरण निर्माण झाले आहे.
--
महिला कामगारांची छेडछाड
कामगारनगर भागात काही महिन्यांपासून काही स्थानिक व स्लम भागातील टवाळखोर एमआयडीसीला लागून असलेल्या भिंतीलगत मद्य प्राशन करून कारखान्यांतून घरी जाणाऱ्या महिलांची छेड काढीत असल्याचे पोलिस उपायुक्त कोकाटे यांना महिलांनी यावेळी सांगितले. परप्रांतीय कामगारांना टवाळखोर भरदिवसा लुटत असल्याच्या तक्रारींनंतर पोलिस उपायुक्त कोकाटे यांनी टवाळखोरांची माहिती नाव न सांगता पोलिसांना कळविण्याचे आवाहन केले.
--
माहिती देणाऱ्यांना मारहाण
कामगारनगर भागात पोलिसांनी रहिवाशांकडून टवाळखोरांची सविस्तर माहिती जाणून घेण्याचा प्रयत्न केला. परंतु, टवाळखोरांची माहिती देणाऱ्यांनाच मारहाण होत असल्याचे अनेकांनी सांगितले. पोलिसांकडे तक्रार करणाऱ्यांच्या घरी रात्री-अपरात्री जाऊन, तुमच्या नातेवाइकाचा अपघात झाला आहे, असे सांगून बाहेर बोलावले जाते. त्यानंतर टवाळखोर संबंधितांना मारहाण करीत मोबाइल व खिशातील वस्तू घेऊन पोबारा करीत असल्याचे प्रकार घडल्याच्या तक्रारी महिलांनी पोलिसांकडे केल्या.
--
दहा दिवसांपूर्वीच जुनी मारुती व्हॅन घेतली होती. बुधवारी रात्रीच्या सुमारास टवाळखोरांकडून गाडीच्या काच फोडण्यात आल्याने नुकसान झाले. येथे नेहमीच टवाळखोरांकडून त्रास होत असून, पोलिसांनी त्यांचा बंदोबस्त करण्याची गरज आहे.
-विठ्ठल चव्हाण, स्थानिक रहिवासी
००
सर्व्हिस स्टेशनची आनंदनगरला नासधूस
म. टा. वृत्तसेवा, नाशिकरोड
येथील मुक्तिधाममागील आनंदनगर परिसरात समाजकंटकांनी सर्व्हिस स्टेशनची मोडतोड करून परिसरात दहशत निर्माण करण्याचा प्रयत्न केल्याचा प्रकार बुधवारी मध्यरात्री घडला. त्यामुळे नागरिकांनी तीव्र संताप व्यक्त केला असून, समाजकंटकांचा जाच संपविण्याची मागणी परिसरातून होते आहे.
या प्रकरणी उपनगर पोलिसांत तक्रार दाखल करण्यात आली आहे. पोलिसांनी दिलेली माहिती अशी ः आनंदनगर परिसरात आतिक इस्लाम शेख यांचे तरणतलाव रोडवरील कदम लॉन्सच्या बाजूला कृष्णा आनंद सोसायटीसमोर सर्व्हिस स्टेशन आहे. बुधवारी (दि. २६) सायंकाळी शेख सर्व्हिस स्टेशन बंद करून गेल्यानंतर मध्यरात्री समाजकंटकांनी सर्व्हिस स्टेशनची मोठ्या प्रमाणात तोडफोड केली. त्या ठिकाणी असलेला पाण्याचा ड्रम रस्त्यावर फेकून दिला. गुरुवारी सकाळी ही घटना नागरिक व शेख यांना समजली. त्यामुळे त्यांनी उपनगर पोलिस ठाणे गाठून परिसरात दहशत निर्माण करण्याचा प्रयत्न झाल्याची तक्रार करून या समाजकंटकांवर कारवाईची मागणी केली.
विद्यार्थिनींची छेडछाड
या परिसरात गेल्या काही दिवसांपासून गुंड व टवाळखोरांचा उपद्रव वाढला असून, टवाळखोर शाळा व कॉलेजमधील विद्यार्थिनींची छेडछाड करीत असल्याच्याही तक्रारी आहेत. या टवाळखोरांचा बंदोबस्त करण्यात यावा, अशी मागणी परिसरातील नागरिकांनी केली आहे.
येथील औद्योगिक परिसराला लागून असलेल्या कामगारनगर भागात बुधवारी मध्यरात्री टवाळखोरांना आठ चारचाकी वाहनांची तोडफोड करून दहशत निर्माण केली. यासंदर्भातील तक्रारीनंतर वरिष्ठ पोलिस अधिकाऱ्यांनी येथे गुरुवारी दिवसभर ठाण मांडून अनेक संशयितांची चौकशी केल्यानंतर रात्री तीन संशयितांना ताब्यात घेतले. पोलिसांनी त्यांची परिसरातून धिंडदेखील काढली. या प्रकरणी गुन्हा नोंदविण्याचे काम सुरू होते.
या घटनेची माहिती समजताच पोलिस उपायुक्त श्रीकृष्ण कोकाटे, सहाय्यक आयुक्त अशोक नखाते, सातपूरचे वरिष्ठ निरीक्षक अविनाश सोनावणे व सहकाऱ्यांनी घटनास्थळी पाहणी केली. यावेळी स्थानिक महिलांनी टवाळखोरांकडून होणाऱ्या त्रासासंदर्भात तक्रारी केल्यावर अधिकाऱ्यांनी येथे ठाण मांडून धडक कारवाई केली.
--
वर्गणीवरून तोडफोडीचा संशय
कामगारनगरला लागून असलेल्या एमआयडीसीच्या रस्त्यावर भंडाऱ्याचे आयोजन केले जाते. परंतु, स्थानिक रहिवाशांनी त्यासाठी वर्गणी नाकारल्यानेच वाहनांची तोडफोड केली असल्याचा संशय परिसरातून व्यक्त केला जात आहे. पोलिसदेखील भंडारा भरणारे नक्की कोण व कुठले आहेत, याच्या तपासाला लागले आहेत. रहिवाशांनीदेखील टवाळखोरांकडून त्रास होत असल्यास तत्काळ पोलिसांना माहिती देण्याची गरज असल्याचे उपायुक्त कोकाटे यांनी यावेळी सांगितले.
--
‘ते’ संशयित मोकाटच
सातपूर कॉलनीच्या कामगार वस्तीत दोन वर्षांपूर्वी बाराहून अधिक चारचाकी वाहनांची तोडफोड करण्यात आली होती. त्यानंतर पोलिसांना सीसीटीव्ही फुटेजही मिळाले होते. परंतु, त्यात टवाळखोरांचा चेहेराच न दिसल्याने संशयित मोकाटच राहिले. त्यानंतर बुधवारी मध्यरात्री पुन्हा कामगारनगर भागात आठ चारचाकी वाहनांची तोडफोड करण्यात आल्याने दहशतीचे वातावरण निर्माण झाले आहे.
--
महिला कामगारांची छेडछाड
कामगारनगर भागात काही महिन्यांपासून काही स्थानिक व स्लम भागातील टवाळखोर एमआयडीसीला लागून असलेल्या भिंतीलगत मद्य प्राशन करून कारखान्यांतून घरी जाणाऱ्या महिलांची छेड काढीत असल्याचे पोलिस उपायुक्त कोकाटे यांना महिलांनी यावेळी सांगितले. परप्रांतीय कामगारांना टवाळखोर भरदिवसा लुटत असल्याच्या तक्रारींनंतर पोलिस उपायुक्त कोकाटे यांनी टवाळखोरांची माहिती नाव न सांगता पोलिसांना कळविण्याचे आवाहन केले.
--
माहिती देणाऱ्यांना मारहाण
कामगारनगर भागात पोलिसांनी रहिवाशांकडून टवाळखोरांची सविस्तर माहिती जाणून घेण्याचा प्रयत्न केला. परंतु, टवाळखोरांची माहिती देणाऱ्यांनाच मारहाण होत असल्याचे अनेकांनी सांगितले. पोलिसांकडे तक्रार करणाऱ्यांच्या घरी रात्री-अपरात्री जाऊन, तुमच्या नातेवाइकाचा अपघात झाला आहे, असे सांगून बाहेर बोलावले जाते. त्यानंतर टवाळखोर संबंधितांना मारहाण करीत मोबाइल व खिशातील वस्तू घेऊन पोबारा करीत असल्याचे प्रकार घडल्याच्या तक्रारी महिलांनी पोलिसांकडे केल्या.
--
दहा दिवसांपूर्वीच जुनी मारुती व्हॅन घेतली होती. बुधवारी रात्रीच्या सुमारास टवाळखोरांकडून गाडीच्या काच फोडण्यात आल्याने नुकसान झाले. येथे नेहमीच टवाळखोरांकडून त्रास होत असून, पोलिसांनी त्यांचा बंदोबस्त करण्याची गरज आहे.
-विठ्ठल चव्हाण, स्थानिक रहिवासी
००
सर्व्हिस स्टेशनची आनंदनगरला नासधूस
म. टा. वृत्तसेवा, नाशिकरोड
येथील मुक्तिधाममागील आनंदनगर परिसरात समाजकंटकांनी सर्व्हिस स्टेशनची मोडतोड करून परिसरात दहशत निर्माण करण्याचा प्रयत्न केल्याचा प्रकार बुधवारी मध्यरात्री घडला. त्यामुळे नागरिकांनी तीव्र संताप व्यक्त केला असून, समाजकंटकांचा जाच संपविण्याची मागणी परिसरातून होते आहे.
या प्रकरणी उपनगर पोलिसांत तक्रार दाखल करण्यात आली आहे. पोलिसांनी दिलेली माहिती अशी ः आनंदनगर परिसरात आतिक इस्लाम शेख यांचे तरणतलाव रोडवरील कदम लॉन्सच्या बाजूला कृष्णा आनंद सोसायटीसमोर सर्व्हिस स्टेशन आहे. बुधवारी (दि. २६) सायंकाळी शेख सर्व्हिस स्टेशन बंद करून गेल्यानंतर मध्यरात्री समाजकंटकांनी सर्व्हिस स्टेशनची मोठ्या प्रमाणात तोडफोड केली. त्या ठिकाणी असलेला पाण्याचा ड्रम रस्त्यावर फेकून दिला. गुरुवारी सकाळी ही घटना नागरिक व शेख यांना समजली. त्यामुळे त्यांनी उपनगर पोलिस ठाणे गाठून परिसरात दहशत निर्माण करण्याचा प्रयत्न झाल्याची तक्रार करून या समाजकंटकांवर कारवाईची मागणी केली.
विद्यार्थिनींची छेडछाड
या परिसरात गेल्या काही दिवसांपासून गुंड व टवाळखोरांचा उपद्रव वाढला असून, टवाळखोर शाळा व कॉलेजमधील विद्यार्थिनींची छेडछाड करीत असल्याच्याही तक्रारी आहेत. या टवाळखोरांचा बंदोबस्त करण्यात यावा, अशी मागणी परिसरातील नागरिकांनी केली आहे.