म. टा. प्रतिनिधी, नाशिक
हायटेक होणाऱ्या निवडणूक यंत्रणेला नवमतदारांकडूनही उत्स्फूर्त प्रतिसाद मिळू लागला आहे. ऑनलाइन मतदार नोंदणीला जिल्ह्यातही पसंती मिळत आहे. गेल्या दीड महिन्यात ३ हजार २०८ मतदारांनी ऑनलाइन नोंदणी केली असून ९६८ मतदारांनी नाव, पत्ता, वय व तत्सम दुरुस्ती करवून घेतली आहे.
नवीन मतदार नोंदणी असो किंवा मतदार नोंदणीमध्ये दुरुस्ती त्यासाठी जिल्हाधिकारी कार्यालय, तहसील किंवा तत्सम सरकारी कार्यालयांमध्ये प्रत्यक्ष जाऊन विशिष्ठ अर्ज भरून देण्याची पारंपरिक पद्धती वर्षानुवर्ष अवलंबली जात होती. त्यामुळे मतदारांचा वेळ, पैसा आणि श्रमही खर्च होत असत. परंतु डिजिटायजेशनच्या युगात मतदार नोंदणी अथवा दुरुस्तीची प्रक्रिया अधिक गतीमान आणि प्रभावी करणे ही निवडणूक आयोगासाठी देखील अपरिहार्य बाब बनली आहे. काळानुरूप बदलताना मतदारांना घरबसल्या आणि कोठूनही सहजगत्या मतदार नोंदणी करता यावी यासाठी निवडणूक आयोगाने पुढाकार घेतला आहे. भारत निवडणूक आयोगाने ERO-Net या नावाची नवीन संगणक प्रणाली विकसित केली असून www.nvsp.in (राष्ट्रीय मतदाता सर्व्हिस पोर्टल) या वेबसाइटवर मतदार नोंदणी आणि दुरुस्तीसाठी अर्ज करणे शक्य होऊ लागले आहे. तीन ऑक्टोबर २०१७ पासून ही ऑनलाइन नोंदणी सुरू झाली असून दीड महिन्यांत तीन हजार २०८ नवमतदारांनी अर्ज सहाद्वारे ऑनलाइन मतदार नोंदणीची कार्यवाही केली आहे. आतापर्यंत त्यापैकी १२५६ मतदारांची ऑनलाइन नोंदणी झाली असून ११४ मतदारांचे अर्ज बाद ठरविण्यात आले आहेत. नाशिक पश्चिम मतदार संघातून सर्वाधिक ४७९ नवमतदारांनी ऑनलाइन अर्ज भरले आहेत. ‘नाशिक मध्य’मधून ३८४ जणांनी अर्ज भरले असून मालेगाव मध्य व मालेगाव बाह्य या मतदारसंघांमधूनही अनुक्रमे ३९१ आणि ३२३ नवमतदारांनी अर्ज भरले आहेत. नांदगावसारख्या दुष्काळी तालुक्यातही ३०० नवमतदारांनी ऑनलाइन प्रणालीला पसंती दिली आहे. इगतपुरी आणि कळवण सारख्या आदिवासीबहुल तालुक्यातही अनुक्रमे ७४ आणि ७१ जणांनी ऑनलाइन प्र्रणालीद्वारे अर्ज भरले आहेत. पेठ, सुरगाणा आणि देवळा तालुक्यात अद्याप ऑनलाइन मतदार नोंदणीला प्रतिसाद मिळू शकलेला नाही.
९६८ मतदारांकडून दुरुस्ती
निवडणूक आयोगाने संबंधित वेबसाइटवर मतदारांना त्यांचे नाव, पत्ता किंवा तत्सम दुरुस्ती करावयाची असेल तर तशी सुविधाही उपलब्ध करून दिली आहे. मतदार संघांतर्गत पत्त्यामध्ये बदल करण्यासाठी जिल्ह्यात ८५ मतदारांनी या वेबसाइटची मदत घेतली आहे. तर वय, नाव आणि तत्सम बदलांसाठी फॉर्म क्रमांक आठ ऑनलाइन भरून देणाऱ्या मतदारांची संख्या ७८९ आहे. एकूण ९६८ मतदारांनी ऑनलाइन दुरुस्तीला पसंती दिली आहे.
मतदारसंघनिहाय ऑनलाइन अर्ज करणारे नवमतदार
मतदारसंघ अर्जदार
नाशिक पश्चिम ४७९
मालेगाव मध्य ३९१
नाशिक मध्य ३८४
मालेगाव बाह्य ३२३
नांदगाव ३००
नाशिक पूर्व २७४
निफाड १८०
देवळाली १५६
सिन्नर १५१
येवला १३६
बागलाण ९८
दिंडोरी ९७
चांदवड ९४
इगतपुरी ७४
कळवण ७१
एकूण ३२०८
हायटेक होणाऱ्या निवडणूक यंत्रणेला नवमतदारांकडूनही उत्स्फूर्त प्रतिसाद मिळू लागला आहे. ऑनलाइन मतदार नोंदणीला जिल्ह्यातही पसंती मिळत आहे. गेल्या दीड महिन्यात ३ हजार २०८ मतदारांनी ऑनलाइन नोंदणी केली असून ९६८ मतदारांनी नाव, पत्ता, वय व तत्सम दुरुस्ती करवून घेतली आहे.
नवीन मतदार नोंदणी असो किंवा मतदार नोंदणीमध्ये दुरुस्ती त्यासाठी जिल्हाधिकारी कार्यालय, तहसील किंवा तत्सम सरकारी कार्यालयांमध्ये प्रत्यक्ष जाऊन विशिष्ठ अर्ज भरून देण्याची पारंपरिक पद्धती वर्षानुवर्ष अवलंबली जात होती. त्यामुळे मतदारांचा वेळ, पैसा आणि श्रमही खर्च होत असत. परंतु डिजिटायजेशनच्या युगात मतदार नोंदणी अथवा दुरुस्तीची प्रक्रिया अधिक गतीमान आणि प्रभावी करणे ही निवडणूक आयोगासाठी देखील अपरिहार्य बाब बनली आहे. काळानुरूप बदलताना मतदारांना घरबसल्या आणि कोठूनही सहजगत्या मतदार नोंदणी करता यावी यासाठी निवडणूक आयोगाने पुढाकार घेतला आहे. भारत निवडणूक आयोगाने ERO-Net या नावाची नवीन संगणक प्रणाली विकसित केली असून www.nvsp.in (राष्ट्रीय मतदाता सर्व्हिस पोर्टल) या वेबसाइटवर मतदार नोंदणी आणि दुरुस्तीसाठी अर्ज करणे शक्य होऊ लागले आहे. तीन ऑक्टोबर २०१७ पासून ही ऑनलाइन नोंदणी सुरू झाली असून दीड महिन्यांत तीन हजार २०८ नवमतदारांनी अर्ज सहाद्वारे ऑनलाइन मतदार नोंदणीची कार्यवाही केली आहे. आतापर्यंत त्यापैकी १२५६ मतदारांची ऑनलाइन नोंदणी झाली असून ११४ मतदारांचे अर्ज बाद ठरविण्यात आले आहेत. नाशिक पश्चिम मतदार संघातून सर्वाधिक ४७९ नवमतदारांनी ऑनलाइन अर्ज भरले आहेत. ‘नाशिक मध्य’मधून ३८४ जणांनी अर्ज भरले असून मालेगाव मध्य व मालेगाव बाह्य या मतदारसंघांमधूनही अनुक्रमे ३९१ आणि ३२३ नवमतदारांनी अर्ज भरले आहेत. नांदगावसारख्या दुष्काळी तालुक्यातही ३०० नवमतदारांनी ऑनलाइन प्रणालीला पसंती दिली आहे. इगतपुरी आणि कळवण सारख्या आदिवासीबहुल तालुक्यातही अनुक्रमे ७४ आणि ७१ जणांनी ऑनलाइन प्र्रणालीद्वारे अर्ज भरले आहेत. पेठ, सुरगाणा आणि देवळा तालुक्यात अद्याप ऑनलाइन मतदार नोंदणीला प्रतिसाद मिळू शकलेला नाही.
९६८ मतदारांकडून दुरुस्ती
निवडणूक आयोगाने संबंधित वेबसाइटवर मतदारांना त्यांचे नाव, पत्ता किंवा तत्सम दुरुस्ती करावयाची असेल तर तशी सुविधाही उपलब्ध करून दिली आहे. मतदार संघांतर्गत पत्त्यामध्ये बदल करण्यासाठी जिल्ह्यात ८५ मतदारांनी या वेबसाइटची मदत घेतली आहे. तर वय, नाव आणि तत्सम बदलांसाठी फॉर्म क्रमांक आठ ऑनलाइन भरून देणाऱ्या मतदारांची संख्या ७८९ आहे. एकूण ९६८ मतदारांनी ऑनलाइन दुरुस्तीला पसंती दिली आहे.
मतदारसंघनिहाय ऑनलाइन अर्ज करणारे नवमतदार
मतदारसंघ अर्जदार
नाशिक पश्चिम ४७९
मालेगाव मध्य ३९१
नाशिक मध्य ३८४
मालेगाव बाह्य ३२३
नांदगाव ३००
नाशिक पूर्व २७४
निफाड १८०
देवळाली १५६
सिन्नर १५१
येवला १३६
बागलाण ९८
दिंडोरी ९७
चांदवड ९४
इगतपुरी ७४
कळवण ७१
एकूण ३२०८