नाशिक : मार्चअखेरपर्यंत मुदत संपलेल्या महापालिकेच्या सहा विभागांमधील प्रभाग समिती सभापतिपदाची निवडणूक लांबणीवर पडली आहे. लॉकडाउनमुळे मार्चमध्ये प्रभाग समित्यांच्या सभापतींची निवडणूक झाली नाही. नगरसचिव विभागाने प्रभाग समिती सभापतिपदासाठी विभागीय आयुक्तांकडे अहवाल पाठवून निवडणुका घेण्याची विनंती केली. परंतु, अद्यापही त्यावर निर्णय झालेला नाही त्यामुळे प्रभाग समित्यांवरील पाच लाख रुपयांच्या आतील विकासकामे रखडली आहेत. महिला व बालकल्याण, शहर सुधार, विधी व आरोग्य समितीची मुदत ८ जुलैला संपुष्टात येणार आहे. त्यामुळे विषय समित्यांच्या निवडणुकाही जवळ आल्या आहेत. विषय समित्यांसह प्रभाग समिती सभापतिपदाची निवडणूक न झाल्यास कामकाज ठप्प होणार आहे.
प्रभाग सभापतींची निवडणूक लांबणीवर
मार्चअखेरपर्यंत मुदत संपलेल्या महापालिकेच्या सहा विभागांमधील प्रभाग समिती सभापतिपदाची निवडणूक लांबणीवर पडली आहे...
महाराष्ट्र टाइम्स.कॉम 2 Jun 2020, 4:00 am