त्र्यंबकेश्वर मंदिर ट्रस्टची नोकरभरती वादाच्या भोवऱ्यात सापडण्याची शक्यता असून, मुलाखती घेताना विश्वस्त मंडळाला डावलल्याने नाराजी व्यक्त करण्यात आली आहे.
Maharashtra Times12 Mar 2018, 4:00 am
त्र्यंबकेश्वर मंदिर ट्रस्टच्या भरतीवर विश्वस्तांचा आक्षेप
महाराष्ट्र टाइम्स.कॉम
म. टा. वृत्तसेवा, त्र्यंबकेश्वर
त्र्यंबकेश्वर मंदिर ट्रस्टची नोकरभरती वादाच्या भोवऱ्यात सापडण्याची शक्यता असून, मुलाखती घेताना विश्वस्त मंडळाला डावलल्याने नाराजी व्यक्त करण्यात आली आहे. मुलाखती घेण्यास विश्वस्त मंडळाच्या सदस्यांना बोलावणार नसाल, तर शासन नियुक्त अध्यक्ष आणि सचिव यांनीच कारभार चालवायला पाहिजे. अन्यथा, विश्वस्तांना केवळ नामधारी करण्याचा हा प्रयत्न बंद करावा, अशी मागणी विश्वस्त सत्यप्रिय शुक्ल केली आहे.
देवस्थान ट्रस्टने काही दिवसांपूर्वी नेटवर्क ऑपरेटर आणि स्वॉफ्टवेअर इंजिनीअर अशा दोन जागा भरण्यासाठी वर्तमानपत्रात जाहिरात दिली होती. तसा ठराव विश्वस्तांच्या बैठकीत करण्यात आला होता. अर्ज केलेल्या उमेदवारांच्या रविवारी मुलाखती घेण्यात आल्या. मात्र त्याची कल्पना चेअरमन, सचिव आणि एक विश्वस्त या व्यतिरिक्त उर्वरित पाच विश्वस्तांना देण्यात आली नाही. याबाबत काही विश्वस्तांनी नाराजी व्यक्त केली आहे. दोन जागांसाठी उमेदवारी अर्ज किती आले व मुलाखतीसाठी त्यांची छाननी कशा प्रकारे करण्यात आली. प्रत्यक्ष मुलाखती घेताना सर्व विश्वस्तांना का सामावून घेण्यात आले नाही. याबद्दल संशय व्यक्त केला जात आहे. या प्रकारात गैरव्यवहार घडला असल्याची शक्यता वर्तविण्यात आली आहे. विश्वस्त सत्यप्रिय शुक्ल यांनी रविवारी झालेल्या मुलाखतींबाबत हरकत घेऊन नियुक्तीपत्र देण्यात येणार नाहीत अशी भूमिका घेतली आहे. मुलाखती घेण्यास विश्वस्त मंडळाच्या सदस्यांना बोलावणार नसाल, तर शासन नियुक्त अध्यक्ष आणि सचिव यांनीच कारभार चालवायला पाहिजे. अन्यथा, विश्वस्तांना केवळ नामधारी करण्याचा हा प्रयत्न बंद करावा, अशी मागणी त्यांनी केली आहे.
नागरिकांमध्येही नाराजी रविवारी शहरातील नागरिकांमध्ये देखील याबाबत नोकरभरतीबाबत नाराजी होती. नोकरी देताना स्थानिकांना प्राधान्य देण्याची अपेक्षा अनेकांनी व्यक्त केली आहे. तीर्थक्षेत्र म्हणून येथे नागरिकांना काही बाबतीत नेहमीच गैरसोय सहन करावी लागते. येथे व्यवसायासाठी अन्य साधने नाहीत. किमान सुशिक्षित बेरोजगार तरुणांना येथे नोकरी मिळाली पाहिजे अशी रास्त अपेक्षा येथे व्यक्त होत असते.
मुलाखती घेण्यासाठी निवड करताना सहा विश्वस्तांना विचारात घेतलेले नाही. याबाबत काही समिती तयार करण्यात आली नाही आणि असेल तर आम्हाला त्याबाबत कल्पना देण्यात आली नाही. विश्वस्त मंडळातील सदस्यांना डावलून निर्णय घेतले जातात. त्यामुळे या नोकरभरतीत गैरव्यवहार झाल्याचा संशय आहे. याबाबत संपूर्ण माहिती मागविण्यात आली आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.