सातपूर : श्री स्वामी समर्थ सेवा केंद्र प्रणित सातपूर भागातील स्वामी समर्थ केंद्रांमध्ये दिवसभर दत्त जयंतीचा उत्साह पहायला मिळाला. भाविकांनी दत्तांची विधीवत पूजा करीत धार्मिक कार्यक्रमांमध्ये सहभाग घेतला. सातपूर कॉलनीतील आनंदछाया स्वामी समर्थ केंद्राच्या वतीने सप्ताहाचे आयोजन करण्यात आले होते. पाच डिसेंबरला दत्त जयंती सप्ताहाला सुरुवात झाली. केंद्रात सात दिवस विविध याग घेण्यात आले. आज, १२ डिसेंबरला दत्त जयंतीच्या सप्ताहाची सांगता होणार असल्याचे आनंदछाया स्वामी समर्थ केंद्राने सांगितले. बालसंस्कार, विनामूल्य नाडीपरीक्षण आदी सामाजिक उपक्रमही ठेवण्यात आले होते. तसेच केंद्र परिसरात महिलांनी सात दिवस गुरुचरित्राचे वाचनही केले.
स्वामी समर्थ केंद्रांमध्ये उत्साह
श्री स्वामी समर्थ सेवा केंद्र प्रणित सातपूर भागातील स्वामी समर्थ केंद्रांमध्ये दिवसभर दत्त जयंतीचा उत्साह पहायला मिळाला...
महाराष्ट्र टाइम्स.कॉम 12 Dec 2019, 4:00 am