नाशिक : सिन्नर तालुक्यातील नांदूर शिंगोटे-वावी रस्त्यावर असलेल्या मानोरी शिवारातील सानप वस्तीत बिबट्याने हल्ला केला. सोमवारी (दि. १३) सकाळी नऊ वाजेच्या सुमारास झालेल्या हल्ल्यात शेतकरी राधाकिसन सहादू सानप (४८) जखमी झाले. त्यांच्यावर दोडी येथील ग्रामीण रुग्णालयात उपचार सुरू आहेत. सानप वस्तीतील ज्वारीच्या शेतात लपलेला बिबट्या पाहण्यासाठी राधाकिसन सानप गेले होते. त्यावेळी बिबट्याने त्यांच्यावर हल्ला केला. या घटनेची माहिती मिळताच वनपरिक्षेत्र अधिकारी प्रवीण सोनवणे, वनपाल पी. के. आगळे, वनरक्षक कैलास सदगीर, बाबूराव सदगीर यांच्यासह वन कर्मचाऱ्यांनी घटनास्थळी धाव घेतली. या ठिकाणी पिंजरा लावण्यासह वनरक्षकांना सतत गस्त घालण्याचे आदेश वरिष्ठ अधिकाऱ्यांनी दिले आहेत.
बिबट्याच्या हल्ल्यात शेतकरी जखमी
सिन्नर तालुक्यातील नांदूर शिंगोटे-वावी रस्त्यावर असलेल्या मानोरी शिवारातील सानप वस्तीत बिबट्याने हल्ला केला सोमवारी (दि...
महाराष्ट्र टाइम्स.कॉम 14 Jan 2020, 4:00 am