घरमालकावर गुन्हा दाखल

म. टा. वृत्तसेवा, इंदिरानगर

पाथर्डी फाटा येथील पार्वती अपार्टमेंटमधील तिसऱ्या मजल्यावर तीन सराईत गुन्हेगारांना जेरबंद केल्यानंतर इंदिरानगर पोलिसांनी संबंधित फ्लॅटमालकाविरूद्ध गुन्हा दाखल केला आहे. आपल्या फ्लॅटमध्ये भाडेतत्वाने राहणाऱ्या व्यक्तीची माहिती पालिसांना कळविली नसल्याने ही कारवाई करण्यात आली आहे.
न दिल्याबद्दल

रमेश सावंत असले गुन्हा दाखल झालेल्या संबंधित फ्लॅटमालकाचे नाव आहे. अहमदनगर पोलिसांनी नाशिक पोलिसांच्या मदतीने रविवारी कारवार्स करीत तीन गुन्हेगारांना अटक केली. यातील एकाने कारवाईच्या वेळी पोलिसांवर गोळीबार करण्याचा प्रयत्न केला होता. गुन्हेगारांकडून पोलिसांनी दोन पिस्तुले, ४० राउंड, चार मोबाइल आणि पासिंग न झालेली दुचाकी जप्त केली होती. याप्रकरणी चौकशी केली असता सदरचा फ्लॅट रमेश सावंत यांच्या मालकीचा असून त्यांनी भाडेकरू ठेवल्यानंतर त्याबाबतची माहिती इंदिरानगर पोलीसांना दिलेली नसल्याचे समोर आले आहे. त्यामुळे पोलिसांनी वारंवार आवाहन करूनसुद्धा अनेक घरमालक भाडेकरूंची माहिती देत नसल्याने असे प्रकार घडत असल्याचे पोलिसांनी सांगितले. त्यामुळे पोलिसांनी सावंत यांच्यावर गुन्हा दाखल केला.