कळवण : ककाणे शिवारातील कैलास पगारे यांच्या शेतातील विहिरीत पडलेल्या बिबट्यास वाचविण्यात वन विभागाला यश आले. याच विहिरीतून वन विभागाच्या पथकाने मृत वासरूही बाहेर काढले. शिकारीचा पाठलाग करताना बिबट्या विहिरीत पडला असावा, असा अंदाज व्यक्त करण्यात येत आहे.
शुक्रवारी पहाटे विहिरीतून बिबट्याचा आवाज येत असल्याने रामदास हाळदे यांनी वन विभागाला कळविले. त्यानंतर कळवण वन विभागाचे अधिकारी, कर्मचाऱ्यांनी घटनास्थळी धाव घेत विहिरीत पिंजरा सोडून बिबट्याला सुरक्षितपणे जेरबंद करून बाहेर काढले. बिबट्याला बाहेर काढल्यानंतर विहिरीत गाईचे वासरू मृतावस्थेत आढळून आले. वासरूची शिकार करतानाच बिबट्या विहिरीत पडला असावा. बिबट्याला वन विभागाच्या नाकोडा येथील रोपवाटिकेत सुरक्षित ठेवले आहे. या ठिकाणी पशुवैद्यकीय अधिकारी डॉ. मधुलिका शेट्ये यांनी बिबट्याची वैद्यकीय तपासणी केली. विहिरीत पडलेल्या बिबट्याला पाहण्यासाठी ककाणे, खेडगाव, रवळजी, मोकभणगी आदी गावातील शेकडो ग्रामस्थांनी गर्दी केली होती. उप वनसंरक्षक उमेश वावरे, सहाय्यक वनसंरक्षक संजय मोरे यांच्या मार्गदर्शनखाली वनपरिक्षेत्र अधिकारी डी. ए. गायकवाड, वनपाल शशिकांत वाघ, योगीराज निकम, धनराज बागुल, यांनी हे रेस्क्यू ऑपरेशन पार पाडले.
शुक्रवारी पहाटे विहिरीतून बिबट्याचा आवाज येत असल्याने रामदास हाळदे यांनी वन विभागाला कळविले. त्यानंतर कळवण वन विभागाचे अधिकारी, कर्मचाऱ्यांनी घटनास्थळी धाव घेत विहिरीत पिंजरा सोडून बिबट्याला सुरक्षितपणे जेरबंद करून बाहेर काढले. बिबट्याला बाहेर काढल्यानंतर विहिरीत गाईचे वासरू मृतावस्थेत आढळून आले. वासरूची शिकार करतानाच बिबट्या विहिरीत पडला असावा. बिबट्याला वन विभागाच्या नाकोडा येथील रोपवाटिकेत सुरक्षित ठेवले आहे. या ठिकाणी पशुवैद्यकीय अधिकारी डॉ. मधुलिका शेट्ये यांनी बिबट्याची वैद्यकीय तपासणी केली. विहिरीत पडलेल्या बिबट्याला पाहण्यासाठी ककाणे, खेडगाव, रवळजी, मोकभणगी आदी गावातील शेकडो ग्रामस्थांनी गर्दी केली होती. उप वनसंरक्षक उमेश वावरे, सहाय्यक वनसंरक्षक संजय मोरे यांच्या मार्गदर्शनखाली वनपरिक्षेत्र अधिकारी डी. ए. गायकवाड, वनपाल शशिकांत वाघ, योगीराज निकम, धनराज बागुल, यांनी हे रेस्क्यू ऑपरेशन पार पाडले.