म. टा. प्रतिनिधी, नाशिक
राष्ट्रवादी काँग्रेसचे माजी खासदार आणि जनलक्ष्मी बँकेचे संस्थापक अध्यक्ष माधवराव बळवंतराव पाटील (वय ८०) यांचे रविवारी सकाळी अल्प आजाराने निधन झाले. शहरातील एका खासगी रुग्णालयात उपचार सुरू असतानाच त्यांची प्राणज्योत मालवली. आप्पा नावाने परिचित असलेले माधवराव पाटील यांच्या पार्थिवावर निवडक नातेवाइकांच्या उपस्थितीत दुपारी पंचवटीतील अमरधाम येथे अंत्यसंस्कार करण्यात आले. त्यांच्या मागे पत्नी, दोन मुलगे, मुली, सुना आणि नातवंडे असा परिवार आहे.
माधवराव पाटील महाराष्ट्र राज्य सहकारी बँकेचे अध्यक्ष व राष्ट्रवादी काँग्रेसचे पहिले खासदार होते. शिखर बँकेवर अध्यक्षपद भूषविणारे ते नाशिकचे पहिलेच प्रतिनिधी होते. सहकारी खरेदी-विक्री संघाचे व्यवस्थापक या नात्याने १९६० च्या सुमारास त्यांनी सहकार क्षेत्रात काम सुरू केले आणि अल्पकाळात प्रभुत्व मिळविले.
समाजकारण, राजकारणाचे धडे वडिलांकडून...२