सिन्नर : तालुक्यातील औद्योगिक क्रांतीचे जनक, देवपूरचे भूमिपूत्र माजी आमदार सूर्यभान सुकदेव गडाख (वय ९३) यांचे वृद्धापकाळाने निधन झाले. नाशिक येथील वोक्हार्ट हॉस्पिटलमध्ये रविवारी रात्री साडेआठ वाजता त्यांनी अखेरचा श्वास घेतला. त्यांच्या मागे तीन मुलगे, एक मुलगी, सुना, नातवंडे, पतवंडे असा परिवार आहे. औद्योगीकरणाशिवाय तालुक्यातील बेरोजगारीचा प्रश्न सुटणार नाही हे ओळखून माजी आमदार गडाख यांनी आशिया खंडातील पहिली सहकारी औद्योगिक वसाहत उभी केली. तालुका बोर्ड सदस्य, पंचायत समिती सभापती, जिल्हा परिषद सदस्य, विधानसभा सदस्यपदाची धुरा त्यांनी सांभाळली आहे. याशिवाय त्यांनी माध्यमिक लोकशिक्षण मंडळाची स्थापना केली. शेती, कडवा प्रकल्प, मीटर मीटर हाटाव आंदोलन, दारिद्र्य निर्मूलन, बेरोजगारी, दळणवळण साधनांचा विकास अशा अनेक कामांतून गडाख यांनी राज्यभर आपली ओळख निर्माण केली.
सिन्नरचे माजी आमदार सूर्यभान गडाख यांचे निधन
तालुक्यातील औद्योगिक क्रांतीचे जनक, देवपूरचे भूमिपूत्र माजी आमदार सूर्यभान सुकदेव गडाख (वय ९३) यांचे वृद्धापकाळाने निधन झाले...
महाराष्ट्र टाइम्स.कॉम 4 Nov 2019, 4:00 am