सटाणा, बागलाण, देवळा, येवल्याला आंदोलन; उमराणेत निषेध सभा
टीम मटा
राज्यभरात सुरू असलेल्या शेतकरी संपाचा रविवारी चौथा दिवस होता. पुणतांब्यानंतर आता नाशिककडे मोर्चाचे केंद्र वळाल्याचे चित्र जिल्ह्यातील आंदोलनातून दिसून आले. बागलाण तालुक्यातील ताहराबादेत सर्वपक्षीयांकडून रास्ता रोको करण्यात आला. तर सटाण्यात आठवडे बाजारही बंद ठेवत या संपात सहभाग नोंदविला. कळवण, देवळा येथील आठवडे बाजार शेतकऱ्यांच्या राज्यव्यापी संपाला पाठिंबा देण्यासाठी शंभर टक्के बंद ठेवण्यात आला. यावेळी पाचकंदील येथे निषेध सभेचे आयोजन करण्यात आले. त्र्यंबकलाही भाजीपाला, दुध नसल्याने पर्यटकांचे हाल होत आहेत. येवल्यातही संपाची तीव्रता कायम असून, सायगावमध्ये राज्य सरकारच्या प्रतीकात्मक पुतळ्याची अंत्ययात्रा काढण्यात आली. तर गवंडगावात शेतकरी आक्रोश सभा घेऊन रास्ता रोको करण्यात आला. तसेच अंदरसूलला शिवसेनेने आंदोलन करीत आपला पाठिंबा दर्शविला.
त्र्यंबकला दुधाचा तुटवडा
त्र्यंबकेश्वर : त्र्यंबकेश्वरलाही शेतकरी संपाची परिणामकारकता जाणवण्यास सुरुवात झाली असून, भाजी बाजारात भाज्यांचे भाव वाढले आहे. त्याचबरोबर ताजा भाजीपाला येत नसल्याने आहे त्यात कांदा, बटाटा साठवणीच्या भाजीवरच समाधान मानावे लागत आहे. दुध आवक जवळपास थांबल्याने हॉटेलमध्ये चहा मिळत नाही. त्यामुळे भाविकांना चहापानावर पाणी सोडावे लागले आहे. कुशावर्त चौकात दुपारी लस्सी दुध आणि सायंकाळी गरम दुध यांची तडाखेबंद विक्री होत असलेले दुकान बंद ठेवण्यात आले आहे. दुध नसल्याने दूध पावडरची मागणी वाढली असून, त्यावरच नागरिकांनी आपली तहान भागविली आहे
गाडी अडवल्याने गुन्हा दाखल
शनिवारी रात्री दहा वाजेच्या सुमारास नाशिककडून त्र्यंबककडे चाललेले वाहन टेम्पो (क्रमांक एमएच १७ एजी ६०१) याला पेगलवाडी फाटा मारूती मंदिर येथील सात ते आठ अज्ञात व्यक्तींनी अडवून वाहनातील दुध, दही, ताक या मालाच्या पिशव्या असलेले कॅरेट रस्त्यावर फेकले. तसेच चालक संजय नारायण वदक यास धमकी दिली. याबाबत संजय वदक याने पोलिस ठाण्यात फिर्याद दिल्यानंतर त्यानुसार त्र्यंबक पोलिस ठाण्यात गुन्हा दाखल करण्यात आला आहे.
टीम मटा
राज्यभरात सुरू असलेल्या शेतकरी संपाचा रविवारी चौथा दिवस होता. पुणतांब्यानंतर आता नाशिककडे मोर्चाचे केंद्र वळाल्याचे चित्र जिल्ह्यातील आंदोलनातून दिसून आले. बागलाण तालुक्यातील ताहराबादेत सर्वपक्षीयांकडून रास्ता रोको करण्यात आला. तर सटाण्यात आठवडे बाजारही बंद ठेवत या संपात सहभाग नोंदविला. कळवण, देवळा येथील आठवडे बाजार शेतकऱ्यांच्या राज्यव्यापी संपाला पाठिंबा देण्यासाठी शंभर टक्के बंद ठेवण्यात आला. यावेळी पाचकंदील येथे निषेध सभेचे आयोजन करण्यात आले. त्र्यंबकलाही भाजीपाला, दुध नसल्याने पर्यटकांचे हाल होत आहेत. येवल्यातही संपाची तीव्रता कायम असून, सायगावमध्ये राज्य सरकारच्या प्रतीकात्मक पुतळ्याची अंत्ययात्रा काढण्यात आली. तर गवंडगावात शेतकरी आक्रोश सभा घेऊन रास्ता रोको करण्यात आला. तसेच अंदरसूलला शिवसेनेने आंदोलन करीत आपला पाठिंबा दर्शविला.
त्र्यंबकला दुधाचा तुटवडा
त्र्यंबकेश्वर : त्र्यंबकेश्वरलाही शेतकरी संपाची परिणामकारकता जाणवण्यास सुरुवात झाली असून, भाजी बाजारात भाज्यांचे भाव वाढले आहे. त्याचबरोबर ताजा भाजीपाला येत नसल्याने आहे त्यात कांदा, बटाटा साठवणीच्या भाजीवरच समाधान मानावे लागत आहे. दुध आवक जवळपास थांबल्याने हॉटेलमध्ये चहा मिळत नाही. त्यामुळे भाविकांना चहापानावर पाणी सोडावे लागले आहे. कुशावर्त चौकात दुपारी लस्सी दुध आणि सायंकाळी गरम दुध यांची तडाखेबंद विक्री होत असलेले दुकान बंद ठेवण्यात आले आहे. दुध नसल्याने दूध पावडरची मागणी वाढली असून, त्यावरच नागरिकांनी आपली तहान भागविली आहे
गाडी अडवल्याने गुन्हा दाखल
शनिवारी रात्री दहा वाजेच्या सुमारास नाशिककडून त्र्यंबककडे चाललेले वाहन टेम्पो (क्रमांक एमएच १७ एजी ६०१) याला पेगलवाडी फाटा मारूती मंदिर येथील सात ते आठ अज्ञात व्यक्तींनी अडवून वाहनातील दुध, दही, ताक या मालाच्या पिशव्या असलेले कॅरेट रस्त्यावर फेकले. तसेच चालक संजय नारायण वदक यास धमकी दिली. याबाबत संजय वदक याने पोलिस ठाण्यात फिर्याद दिल्यानंतर त्यानुसार त्र्यंबक पोलिस ठाण्यात गुन्हा दाखल करण्यात आला आहे.