म. टा. वृत्तसेवा, सिडको
इंदिरानगर ते सिटी सेंटर मॉलपर्यंतच्या रस्त्याने गाड्या कायमच भरधाव वेगाने जात असतात. बुधवारी (दि. २९) अशाच पद्धतीने भरधाव वेगाने जाणाऱ्या गाडीचे टायर फुटल्याने ही गाडी दुभाजकावर जाऊन आदळली. प्रत्यक्षदर्शींनी सांगितल्यावरून यात कोणतीही जीवितहानी झाली नसल्याचे समजते.
मनोहर नगर ते सिटी सेंटर मॉलपर्यंतच्या रस्त्यात कोठेही गतिरोधक टाकलेले नसल्याने प्रत्येक वाहन हे वेगाने जात असते. बुधवारी, दुपारी चार वाजेच्या सुमारास (एमएच १५ सीएम ८७८१) ही गाडी भरधाव वेगाने सिटी सेंटर मॉलच्या दिशेने जात होती. याचवेळी या गाडीचे टायर फुटले असावे म्हणून ही गाडी लगतच्या दुभाजकावर जावून आदळली. या गाडीत वाहन चालकासह एक महिला असल्याचेही प्रत्यक्षदर्शींनी सांगितले असून, या दोघांना उपचारासाठी रुग्णालयात दाखल करण्यात आले आहे. अपघात झाल्यावर नागरिकांनी याबाबतची माहिती पोलिसांना दिल्यावर घटनास्थळी मुंबईनाका पोलिस ठाण्याचे कर्मचारी आले होते. त्यांनी पंचनामा करून ही गाडी याठिकाणाहून हटविली. तसेच गाडीतील एअर बॅग उघडल्याने या दोघांचा जीव वाचल्याचे पोलिसांनी सांगितले असले तरी याबाबत पोलिस ठाण्यात कोणतीही नोंद नव्हती.
रॅश ड्रायव्हिंग पडली महागात फोटो-प्रशांत देसले
नाशिक : पोलिस व्हॅन दिसताच कारसह पळ काढणाऱ्या तरुणांना वाहतूक पोलिसांनी मोठ्या शिताफीने पकडले. बुधवारी (दि. २९) शहरातील बॉइज टाऊन स्कूलकडून त्र्यंबकरोडकडे वेगात कार चालविणाऱ्या दोघांनी पोलिस गाडी दिसताच कारचा वेग वाढवून पळ काढला. पोलिसांना संशय आल्याने त्यांनी तरुणांचा पाठलाग केला. या तरुणांनी त्र्यंबकरोडवरील पत्रकार कॉलनीत गाडी सोडून तेथून पळ काढला. त्यांच्या मागावर असलेल्या पोलिसांनी पत्रकार कॉलनीतून कार (एमएच ०१ व्ही ७०८७) ताब्यात घेतली. त्यानंतर काही वेळात संशयित तरुणांपैकी एकाला संभाजी चौकातून ताब्यात घेतले. याप्रकरणी दोघा तरुणांवर सार्वजनिक रस्त्यावर बेकायदेशीरपणे वाहन चालविल्याप्रकरणी मुंबई नाका पोलिसांत कारवाई करण्यात आली. पत्रकार कॉलनीतील रहिवाशांनी संशयिताचे हुबेहुब वर्णन केल्यामुळे पोलिसांना मदत झाली.
इंदिरानगर ते सिटी सेंटर मॉलपर्यंतच्या रस्त्याने गाड्या कायमच भरधाव वेगाने जात असतात. बुधवारी (दि. २९) अशाच पद्धतीने भरधाव वेगाने जाणाऱ्या गाडीचे टायर फुटल्याने ही गाडी दुभाजकावर जाऊन आदळली. प्रत्यक्षदर्शींनी सांगितल्यावरून यात कोणतीही जीवितहानी झाली नसल्याचे समजते.
मनोहर नगर ते सिटी सेंटर मॉलपर्यंतच्या रस्त्यात कोठेही गतिरोधक टाकलेले नसल्याने प्रत्येक वाहन हे वेगाने जात असते. बुधवारी, दुपारी चार वाजेच्या सुमारास (एमएच १५ सीएम ८७८१) ही गाडी भरधाव वेगाने सिटी सेंटर मॉलच्या दिशेने जात होती. याचवेळी या गाडीचे टायर फुटले असावे म्हणून ही गाडी लगतच्या दुभाजकावर जावून आदळली. या गाडीत वाहन चालकासह एक महिला असल्याचेही प्रत्यक्षदर्शींनी सांगितले असून, या दोघांना उपचारासाठी रुग्णालयात दाखल करण्यात आले आहे. अपघात झाल्यावर नागरिकांनी याबाबतची माहिती पोलिसांना दिल्यावर घटनास्थळी मुंबईनाका पोलिस ठाण्याचे कर्मचारी आले होते. त्यांनी पंचनामा करून ही गाडी याठिकाणाहून हटविली. तसेच गाडीतील एअर बॅग उघडल्याने या दोघांचा जीव वाचल्याचे पोलिसांनी सांगितले असले तरी याबाबत पोलिस ठाण्यात कोणतीही नोंद नव्हती.
रॅश ड्रायव्हिंग पडली महागात फोटो-प्रशांत देसले
नाशिक : पोलिस व्हॅन दिसताच कारसह पळ काढणाऱ्या तरुणांना वाहतूक पोलिसांनी मोठ्या शिताफीने पकडले. बुधवारी (दि. २९) शहरातील बॉइज टाऊन स्कूलकडून त्र्यंबकरोडकडे वेगात कार चालविणाऱ्या दोघांनी पोलिस गाडी दिसताच कारचा वेग वाढवून पळ काढला. पोलिसांना संशय आल्याने त्यांनी तरुणांचा पाठलाग केला. या तरुणांनी त्र्यंबकरोडवरील पत्रकार कॉलनीत गाडी सोडून तेथून पळ काढला. त्यांच्या मागावर असलेल्या पोलिसांनी पत्रकार कॉलनीतून कार (एमएच ०१ व्ही ७०८७) ताब्यात घेतली. त्यानंतर काही वेळात संशयित तरुणांपैकी एकाला संभाजी चौकातून ताब्यात घेतले. याप्रकरणी दोघा तरुणांवर सार्वजनिक रस्त्यावर बेकायदेशीरपणे वाहन चालविल्याप्रकरणी मुंबई नाका पोलिसांत कारवाई करण्यात आली. पत्रकार कॉलनीतील रहिवाशांनी संशयिताचे हुबेहुब वर्णन केल्यामुळे पोलिसांना मदत झाली.