म. टा. प्रतिनिधी, नाशिक
शहरातील कुविख्यात चांगले टोळीचा म्होरक्या गणेश चांगले (वय २८, रा. हनुमानवाडी, पंचवटी) याच्या मुसक्या आवळण्यात पोलिसांना यश आले आहे. सरकारवाडा पोलिसांच्या पथकाने त्याला अटक केली. तपासात त्याच्याकडून अनेक गुन्हे उघडकीस येण्याची शक्यता अधिकाऱ्यांनी व्यक्त केली आहे.
गणेश चांगले पंचवटीतील गंगाघाट परिसरात येणार असल्याची माहिती सरकारवाडा पोलिस स्टेशनचे वरिष्ठ निरीक्षक डॉ. शंकर कोल्हे यांना मिळाली होती. त्यानुसार पोलिस स्टेशनच्या गुन्हे शोध पथकाच्या महिला सहायक निरीक्षक सारीका अहिरराव आणि कर्मचाऱ्यांच्या पथकाने तेथे सापळा रचला. गणेश गोदाघाट परिसरात आला असता त्याला शिताफीने अटक करण्यात आली. गणेश चांगले याच्यावर विविध पोलिस ठाण्यात १३ गुन्हे दाखल आहेत. गेल्या एक वर्षांपासून पोलिसांना गुंगारा देऊन तो पसार होता. वर्षभरापूर्वी सरकारवाडा पोलिसांनी गंगापूररोड भागात चांगलेच्या साथीदारांच्या मुसक्या आवळल्या. यावेळी चांगले पोलिसांच्या हातावर तुरी देवून फरार झाला. त्याच्या साथीदारांच्या वाहन तपासणीत धारदार शस्त्रांसह गावठी पिस्तूल मिळून आले. याप्रकरणी सरकारवाडा पोलिस ठाण्यात शस्त्रास्त्रे प्रतिबंधात्मक (आर्म अॅक्ट) कायद्यान्वये गुन्हा दाखल करण्यात आला. तर अंबड हद्दीत दरोड्याच्या तयारीत त्याच्या सहकाऱ्यांना पकडण्यात आले होते. त्यावेळीही तो पोलिसांच्या हाती लागू शकला नव्हता. तेव्हापासून अंबड आणि सरकारवाडा पोलिस त्याच्या मागावर होते. त्याच्याकडून आणखी काही गुन्हे उघडकीस येण्याची शक्यता पोलिसांनी व्यक्त केली आहे. चांगले याच्यावर यापूर्वी तडीपारीची कारवाई करण्यात आली असून, आर्म अॅक्ट, हाणामारी, जीवघेणा हल्ला यांसारख्या गुन्ह्यांमध्ये त्याचा सहभाग आहे, अशी माहिती पोलिसांनी दिली.
शहरातील कुविख्यात चांगले टोळीचा म्होरक्या गणेश चांगले (वय २८, रा. हनुमानवाडी, पंचवटी) याच्या मुसक्या आवळण्यात पोलिसांना यश आले आहे. सरकारवाडा पोलिसांच्या पथकाने त्याला अटक केली. तपासात त्याच्याकडून अनेक गुन्हे उघडकीस येण्याची शक्यता अधिकाऱ्यांनी व्यक्त केली आहे.
गणेश चांगले पंचवटीतील गंगाघाट परिसरात येणार असल्याची माहिती सरकारवाडा पोलिस स्टेशनचे वरिष्ठ निरीक्षक डॉ. शंकर कोल्हे यांना मिळाली होती. त्यानुसार पोलिस स्टेशनच्या गुन्हे शोध पथकाच्या महिला सहायक निरीक्षक सारीका अहिरराव आणि कर्मचाऱ्यांच्या पथकाने तेथे सापळा रचला. गणेश गोदाघाट परिसरात आला असता त्याला शिताफीने अटक करण्यात आली. गणेश चांगले याच्यावर विविध पोलिस ठाण्यात १३ गुन्हे दाखल आहेत. गेल्या एक वर्षांपासून पोलिसांना गुंगारा देऊन तो पसार होता. वर्षभरापूर्वी सरकारवाडा पोलिसांनी गंगापूररोड भागात चांगलेच्या साथीदारांच्या मुसक्या आवळल्या. यावेळी चांगले पोलिसांच्या हातावर तुरी देवून फरार झाला. त्याच्या साथीदारांच्या वाहन तपासणीत धारदार शस्त्रांसह गावठी पिस्तूल मिळून आले. याप्रकरणी सरकारवाडा पोलिस ठाण्यात शस्त्रास्त्रे प्रतिबंधात्मक (आर्म अॅक्ट) कायद्यान्वये गुन्हा दाखल करण्यात आला. तर अंबड हद्दीत दरोड्याच्या तयारीत त्याच्या सहकाऱ्यांना पकडण्यात आले होते. त्यावेळीही तो पोलिसांच्या हाती लागू शकला नव्हता. तेव्हापासून अंबड आणि सरकारवाडा पोलिस त्याच्या मागावर होते. त्याच्याकडून आणखी काही गुन्हे उघडकीस येण्याची शक्यता पोलिसांनी व्यक्त केली आहे. चांगले याच्यावर यापूर्वी तडीपारीची कारवाई करण्यात आली असून, आर्म अॅक्ट, हाणामारी, जीवघेणा हल्ला यांसारख्या गुन्ह्यांमध्ये त्याचा सहभाग आहे, अशी माहिती पोलिसांनी दिली.