म. टा. प्रतिनिधी, नाशिक
दुकानातील तयार गणेशमूर्ती आणण्याऐवजी आपल्या हातातून गणेश साकारला गेला तर..., हीच कल्पना सत्यात उतरविण्यासाठी महाराष्ट्र टाइम्सच्या कल्चर क्लबतर्फे शाडू गणेशमूर्ती कार्यशाळेचे आयोजन करण्यात आले आहे. आज (दि. २४) दुपारी ३ वाजता त्र्यंबकेश्वर रोडवरील फ्रवशी अकादमी येथे हा उपक्रम होणार आहे.
महाराष्ट्र टाइम्स कल्चर क्लब आणि लायन्स क्लब ऑफ पंचवटी, नाशिक यांच्या संयुक्त विद्यमाने होणाऱ्या या उपक्रमात सहभागी होण्यासाठी १०० रुपये नोंदणी शुल्क आकारण्यात येणार आहे. कार्यशाळेत सहभागी होण्यासाठी लाकडी पाट, ब्रश, रुमाल, पाण्यासाठी भांडे आणि सतरंजीही सोबत आणायची आहे. अधिक माहितीसाठी सकाळी १० ते ५ या वेळेत ९४२२५१३५६९ या क्रमांकावर संपर्क साधावा, असे आवाहन आयोजकांनी केले आहे.