म. टा. वृत्तसेवा, मनमाडः मनमाड रेल्वे स्थानकात सोमवारी सकाळी मनमाड-कुर्ला गोदावरी एक्स्प्रेसमध्ये श्री गणेश मूर्तीची वाजत गाजत प्रतिष्ठापना करण्यात आली. मनमाड रेल्वे स्थानकात 'गणपती बाप्पा मोरया'चा जयघोष झाल्यानंतर साऱ्या प्रवाशांची दोन्ही हात जोडून वर्षभर प्रवास सुखकर आणि वेळेत होऊ दे, अशी प्रार्थना केल्यानंतर रेल्वे वेळेवर नाशिककडे मार्गस्थ झाली.
सोमवारी सकाळी आठ वाजता मनमाड रेल्वे स्थानकावरील प्लॅटफॉर्म क्रमांक चारवर गोदावरी एक्स्प्रेस आल्यानंतर प्रवाशांनी एकच जल्लोष केला. 'गणपती बाप्पा मोरया' चा जयघोष करीत प्रवाशी स्थानकात येत होते. गणेश भक्तांचा उत्साह पाहून रेल्वे अधिाकरी आणि कर्मचारी सारेच हरखून गेले. त्यातही महिला प्रवाशांचा उत्साह अधिक होता. आकर्षकरीत्या सजविलेल्या गोदावरी एक्स्प्रेसच्या बोगीत श्री गणरायाची प्राणप्रतिष्ठा मनमाडच्या नगराध्यक्ष पद्मावती धात्रक यांच्या हस्ते करण्यात आली. यावेळी गोदावरी मंडळाचे पदाधिकारी राजू भडके, शुभम आहेर, प्रवीण व्यवहारे, सुरज चौधरी, गोरख खैरे, नीलेश शिरसाठ, दृमिल शेलार, संदीप आढाव, स्वप्नील म्हस्के, मुकेश निकाळे, उमेश देसाई, नरेंद्र खैरे, पियुष जैन, सचिन निंभोरकर, विशाल आहिरे मंगेश जगताप आदी उपस्थित होते.
प्रवाशी थिरकले
रेल्वे स्थानकावर महिलांचा उत्साह दिसून आला. बँडच्या तालावर महिलांनी फेर घेतला. यावेळी अंगणवाडी सेविकांनी सुदृढ आहार, बाळाचे पोषण या संदर्भात जनजागृती करीत गणेश भक्तांचे लक्ष वेधले.
आकर्षक सजावट व प्रसाद
गोदावरी एक्स्प्रेसमधील गणेशाची बोगी आकर्षकरित्या सजविण्यात आली आहे. आगळे मखर लक्षवेधी ठरत आहे. रेल्वेतील सर्व प्रवाशांना आरतीनंतर प्रसाद वाटण्यात येत असून गोदावरीचा प्रवास मंगलमय, प्रसन्नदायक झाला आहे .
सोमवारी सकाळी आठ वाजता मनमाड रेल्वे स्थानकावरील प्लॅटफॉर्म क्रमांक चारवर गोदावरी एक्स्प्रेस आल्यानंतर प्रवाशांनी एकच जल्लोष केला. 'गणपती बाप्पा मोरया' चा जयघोष करीत प्रवाशी स्थानकात येत होते. गणेश भक्तांचा उत्साह पाहून रेल्वे अधिाकरी आणि कर्मचारी सारेच हरखून गेले. त्यातही महिला प्रवाशांचा उत्साह अधिक होता. आकर्षकरीत्या सजविलेल्या गोदावरी एक्स्प्रेसच्या बोगीत श्री गणरायाची प्राणप्रतिष्ठा मनमाडच्या नगराध्यक्ष पद्मावती धात्रक यांच्या हस्ते करण्यात आली. यावेळी गोदावरी मंडळाचे पदाधिकारी राजू भडके, शुभम आहेर, प्रवीण व्यवहारे, सुरज चौधरी, गोरख खैरे, नीलेश शिरसाठ, दृमिल शेलार, संदीप आढाव, स्वप्नील म्हस्के, मुकेश निकाळे, उमेश देसाई, नरेंद्र खैरे, पियुष जैन, सचिन निंभोरकर, विशाल आहिरे मंगेश जगताप आदी उपस्थित होते.
प्रवाशी थिरकले
रेल्वे स्थानकावर महिलांचा उत्साह दिसून आला. बँडच्या तालावर महिलांनी फेर घेतला. यावेळी अंगणवाडी सेविकांनी सुदृढ आहार, बाळाचे पोषण या संदर्भात जनजागृती करीत गणेश भक्तांचे लक्ष वेधले.
आकर्षक सजावट व प्रसाद
गोदावरी एक्स्प्रेसमधील गणेशाची बोगी आकर्षकरित्या सजविण्यात आली आहे. आगळे मखर लक्षवेधी ठरत आहे. रेल्वेतील सर्व प्रवाशांना आरतीनंतर प्रसाद वाटण्यात येत असून गोदावरीचा प्रवास मंगलमय, प्रसन्नदायक झाला आहे .