म. टा. खास प्रतिनिधी, नाशिक
दीड महिन्यावर येऊन ठेपलेल्या गणेशोत्सवासाठी शहरात विविध ठिकाणी बाप्पा आकार घेऊ लागले असून, रंगकामास सुरुवात होत आहे.
नाशिकमधील गणेशमूर्ती परराज्यासह सातासमुद्रापार पोहोचल्या आहेत. मूर्ती तयार करण्यातील सुबकता आणि आकर्षक रंगसंगती यामुळे नाशिकचे नाव या क्षेत्रात मोठे होताना दिसत आहे. यामागे कारखानदार, कलाकार, कारागिरांचे अविरत कष्ट, त्यांची चिकाटी, प्रामाणिकपणा, नवे देण्याचा प्रयत्न, कुशलता या साऱ्या बाबी कारणीभूत आहेत.
गणेशाच्या आगमनाची तयारी मोठ्या कारखान्यांमध्ये वर्षभर सुरूच असते. शाडूच्या मूर्तीसाठी पेण प्रसिद्ध असले तरी नाशिकलाही या मूर्ती आता तयार होऊ लागल्या आहेत. आकर्षक गणेशमूर्ती तयार करणे आणि त्या रंगविणे यात नाशिकचे कलाकार अव्वल ठरत आहेत. मूर्ती साच्यातून काढणे, घासणे, आकर्षक रंगसंगतीत ती रंगविणे, प्लास्टिकच्या वेष्टनात गुंडाळून खोक्यात गवत भरून मूर्तीचे पॅकिंग करणे अशी कामे रात्रंदिवस सुरू असतात. हजारो हात या कामात राबत असतात. ऑक्टोबर महिन्यापासूनच गणेशमूर्ती बनविण्याची लगबग सुरू होते. सध्या शाडू मातीच्या मूर्तींना अधिक मागणी असल्याने नाशिकच्या कलाकारांनी या मूर्ती बनविण्यावर भर दिला आहे.
२५ ऑगस्ट रोजी बाप्पाचे आगमन होत असून त्यासाठी मूर्तीकार सज्ज झाले आहेत. मोठ्या मूर्तीवर बारीक काम करण्यास सुरुवात झाली आहे. जुलैअखेर मूर्ती तयार होऊन बुकिंग सुरू होईल.
मूर्ती बनविणे, फिनिशिंग व रंगकाम अशा तिन्ही आघाड्यांवर काम सुरू आहे. ऑगस्टच्या पहिल्या आठवड्यात मूर्ती विकण्यासाठी तयार होतील. जानेवारीपासूनच बुकिंग सुरू होते.
-मयूर मोरे, मूर्तीकार
दीड महिन्यावर येऊन ठेपलेल्या गणेशोत्सवासाठी शहरात विविध ठिकाणी बाप्पा आकार घेऊ लागले असून, रंगकामास सुरुवात होत आहे.
नाशिकमधील गणेशमूर्ती परराज्यासह सातासमुद्रापार पोहोचल्या आहेत. मूर्ती तयार करण्यातील सुबकता आणि आकर्षक रंगसंगती यामुळे नाशिकचे नाव या क्षेत्रात मोठे होताना दिसत आहे. यामागे कारखानदार, कलाकार, कारागिरांचे अविरत कष्ट, त्यांची चिकाटी, प्रामाणिकपणा, नवे देण्याचा प्रयत्न, कुशलता या साऱ्या बाबी कारणीभूत आहेत.
गणेशाच्या आगमनाची तयारी मोठ्या कारखान्यांमध्ये वर्षभर सुरूच असते. शाडूच्या मूर्तीसाठी पेण प्रसिद्ध असले तरी नाशिकलाही या मूर्ती आता तयार होऊ लागल्या आहेत. आकर्षक गणेशमूर्ती तयार करणे आणि त्या रंगविणे यात नाशिकचे कलाकार अव्वल ठरत आहेत. मूर्ती साच्यातून काढणे, घासणे, आकर्षक रंगसंगतीत ती रंगविणे, प्लास्टिकच्या वेष्टनात गुंडाळून खोक्यात गवत भरून मूर्तीचे पॅकिंग करणे अशी कामे रात्रंदिवस सुरू असतात. हजारो हात या कामात राबत असतात. ऑक्टोबर महिन्यापासूनच गणेशमूर्ती बनविण्याची लगबग सुरू होते. सध्या शाडू मातीच्या मूर्तींना अधिक मागणी असल्याने नाशिकच्या कलाकारांनी या मूर्ती बनविण्यावर भर दिला आहे.
२५ ऑगस्ट रोजी बाप्पाचे आगमन होत असून त्यासाठी मूर्तीकार सज्ज झाले आहेत. मोठ्या मूर्तीवर बारीक काम करण्यास सुरुवात झाली आहे. जुलैअखेर मूर्ती तयार होऊन बुकिंग सुरू होईल.
मूर्ती बनविणे, फिनिशिंग व रंगकाम अशा तिन्ही आघाड्यांवर काम सुरू आहे. ऑगस्टच्या पहिल्या आठवड्यात मूर्ती विकण्यासाठी तयार होतील. जानेवारीपासूनच बुकिंग सुरू होते.
-मयूर मोरे, मूर्तीकार