ऑस्ट्रेलियात गुंजणार सावरकरांची गीते

म. टा. प्रतिनिधी, नाशिक

ऑस्ट्रेलियामधील सिडनी या शहरात २८ मे रोजी वीर सावरकर विश्व साहित्य संमेलन आयोजित केलेले या साहित्य संमेलनात नाशिकच्या गायिका गीता माळी यांना वीर सावरकर यांनी लिहिलेली गीते, गाण्यासाठी ऑस्ट्रेलियात आमंत्रित करण्यात आलेले आहे.

साहित्य संमेलनास ऑस्ट्रेलियातील सर्व शहरातून तसेच देश विदेशातून सर्व वीर सावरकर साहित्य प्रेमी उपस्थित राहणार आहेत. अभिनेता शरद पोंक्षे, थोर विचारवंत सच्चिदानंद शेवडेकर यांचीही उपस्थिती असणार आहे. गायिका गीता माळी यांच्या ऑस्ट्रेलिया दौऱ्याचे औचित्य साधून तेथील महाराष्ट्र मंडळाने सिडनी, मेलबर्न, ब्रिस्बेन अश्या वेगवेगळ्या मोठ्या शहरामध्ये त्यांच्या गायनाच्या स्वतंत्र मैफिली आयोजित केल्या आहेत. नाशिकमधून ऑस्ट्रेलियाला जाणाऱ्या त्या पहिल्याच गायिका आहेत.