नांदगावातील शिक्षक मुलींना देतोय कराटेचे धडे
म. टा. वृत्तसेवा, मनमाड
दिल्ली येथील निर्भया आणि त्यानंतर आता हैदराबाद येथील प्रियंका प्रकरणाने महिलांच्या सुरक्षिततेचा प्रश्न पुन्हा ऐरणीवर आला आहे. त्यामुळे मुलींना जपायचे कसे? असा प्रश्न पालकांना भेडसावत आहे. त्यामुळेच मुलींना सक्षम करण्याचा चंग नांदगावमधील गंगाधरी येथील पृथ्वीराज वडघुले या तरुण क्रीडा शिक्षकाने बांधला आहे. त्याने मुलींना मोफत कराटे शिकविण्याचा संकल्प केला आहे. मुलींसाठी मोफत कराटे प्रशिक्षणाला चांगला प्रतिसाद मिळत आहे, इतर कराटे प्रशिक्षकांनीही आपल्या उपक्रमात योगदान द्यावे, असे आवाहन देखील त्यांनी केले आहे.
केवळ पीडितेचा फोटो डीपी वर ठेवण्यापेक्षा व मेणबत्ती लावून श्रद्धांजली वाहण्यापेक्षा मुलींसाठी आपल्याला काय करता येईल, याचा विचार करून सामाजिक भावनेतून उपक्रम राबविण्याचा संदेश पृथ्वीराजने दिला आहे. पृथ्वीराज हा पदवीधर असून, मार्शल कराटेमध्ये ब्लॅक बेल्ट आहे. क्रीडा शिक्षक म्हणून काम करताना महिला बालकल्याण अंतर्गत अनेक शाळांमधून त्याने सामाजिक भावनेतून अनेक उपक्रम राबविले आहेत. नांदगाव तालुक्यातील मुलींना विनाशुल्क कराटे शिकवण्यासाठी त्याने विशेष मोहीम आखली आहे. मुलींना स्वतःचे रक्षण करता यावे यासाठी हा तरुण कोणताही मोबदला न घेता त्यांना संरक्षणाचे धडे व युक्तीच्या चार गोष्टी सांगण्यासाठी धडपड करीत आहे.
इतरांनीही अनुकरण करावे
आपला हा प्रयत्न सामाजिक जाणिवेतून असून, सर्व कराटे प्रशिक्षकांनी मुलींसाठी असा उपक्रम सुरू करावा. नांदगाव परिसरात शाळकरी मुलींना, युवतीना मोफत ज्ञान व प्रशिक्षण देणार असल्याचे त्यांनी सांगितले. पालकांनीही एक पाऊल पुढे येत आपल्या मुलींना या उपक्रमात पाठविले पाहिजे, अशी अपेक्षा त्यांनी व्यक्त केली आहे.
म. टा. वृत्तसेवा, मनमाड
दिल्ली येथील निर्भया आणि त्यानंतर आता हैदराबाद येथील प्रियंका प्रकरणाने महिलांच्या सुरक्षिततेचा प्रश्न पुन्हा ऐरणीवर आला आहे. त्यामुळे मुलींना जपायचे कसे? असा प्रश्न पालकांना भेडसावत आहे. त्यामुळेच मुलींना सक्षम करण्याचा चंग नांदगावमधील गंगाधरी येथील पृथ्वीराज वडघुले या तरुण क्रीडा शिक्षकाने बांधला आहे. त्याने मुलींना मोफत कराटे शिकविण्याचा संकल्प केला आहे. मुलींसाठी मोफत कराटे प्रशिक्षणाला चांगला प्रतिसाद मिळत आहे, इतर कराटे प्रशिक्षकांनीही आपल्या उपक्रमात योगदान द्यावे, असे आवाहन देखील त्यांनी केले आहे.
केवळ पीडितेचा फोटो डीपी वर ठेवण्यापेक्षा व मेणबत्ती लावून श्रद्धांजली वाहण्यापेक्षा मुलींसाठी आपल्याला काय करता येईल, याचा विचार करून सामाजिक भावनेतून उपक्रम राबविण्याचा संदेश पृथ्वीराजने दिला आहे. पृथ्वीराज हा पदवीधर असून, मार्शल कराटेमध्ये ब्लॅक बेल्ट आहे. क्रीडा शिक्षक म्हणून काम करताना महिला बालकल्याण अंतर्गत अनेक शाळांमधून त्याने सामाजिक भावनेतून अनेक उपक्रम राबविले आहेत. नांदगाव तालुक्यातील मुलींना विनाशुल्क कराटे शिकवण्यासाठी त्याने विशेष मोहीम आखली आहे. मुलींना स्वतःचे रक्षण करता यावे यासाठी हा तरुण कोणताही मोबदला न घेता त्यांना संरक्षणाचे धडे व युक्तीच्या चार गोष्टी सांगण्यासाठी धडपड करीत आहे.
इतरांनीही अनुकरण करावे
आपला हा प्रयत्न सामाजिक जाणिवेतून असून, सर्व कराटे प्रशिक्षकांनी मुलींसाठी असा उपक्रम सुरू करावा. नांदगाव परिसरात शाळकरी मुलींना, युवतीना मोफत ज्ञान व प्रशिक्षण देणार असल्याचे त्यांनी सांगितले. पालकांनीही एक पाऊल पुढे येत आपल्या मुलींना या उपक्रमात पाठविले पाहिजे, अशी अपेक्षा त्यांनी व्यक्त केली आहे.