म. टा. प्रतिनिधी, नाशिक
स्वाइन फ्लूच्या उपचारासाठी सर्व सरकारी हॉस्पिटल्समध्ये पुरेसा औषधसाठा उपलब्ध ठेवा. नागरिकांमध्ये या आजाराबाबत अधिकाधिक जनजागृती करा, असे निर्देश पालकमंत्री गिरीश महाजन यांनी सोमवारी दिले. स्वाइन फ्ल्यूचे रुग्ण खासगी हॉस्पिटल्समध्येही दाखल करून घेतले जातात. त्यामुळे रुग्णांचा अचूक तपशील मिळावा यासाठी खासगी डॉक्टरांनीदेखील अशा रुग्णांची माहिती सरकारी वैद्यकीय अधिकाऱ्यांना नियमितपणे द्यावी, अशी सूचना महाजन यांनी केली.
सरकारी विश्रामगृह येथे स्वाइन फ्ल्यूचा आढावा घेण्यासाठी महाजन यांनी अधिकाऱ्यांची बैठक बोलावली होती. यावेळी पर्यटनमंत्री जयकुमार रावल, महापौर रंजना भानसी, आमदार देवयानी फरांदे, डॉ. राहुल आहेर, अपूर्व हिरे, जिल्हाधिकारी राधाकृष्णन् बी., महापालिका आयुक्त अभिषेक कृष्णा, मुख्य कार्यकारी अधिकारी मिलिंद शंभरकर, उपमहापौर प्रथमेश गिते आदी उपस्थित होते.
यावेळी महाजन यांनी स्वाइन फ्लू रुग्णांवर करण्यात येणाऱ्या उपचारांची आणि सरकारी हॉस्पिटल्समधील विलगीकरण कक्षांची माहिती घेतली. स्वाइन फ्लूची प्राथमिक लक्षणे दिसताच रुग्णावर त्वरीत उपचार करणे गरजेचे आहे. याबाबत खासगी डॉक्टरांची बैठक घेऊन त्यांच्याकडे दाखल रुग्णांची माहिती देण्याबाबत त्यांना आवाहन करा, अशी सूचना महाजन यांनी केली. आठवडे बाजार आणि गर्दीच्या ठिकाणी विशेष काळजी घेण्याबाबत नागरिकांमध्ये जनजागृती करण्यात यावी, अशाही सूचना त्यांनी दिल्या. नागरिकांनी आजाराची लक्षणे दिसताच सरकारी हॉस्पिटलमध्ये तपासणी करून घ्यावी असे आवाहन त्यांनी केले.
जिल्हाधिकारी राधाकृष्णन् यांनी स्वाइन फ्लू नियंत्रणासाठी प्रशासनातर्फे करण्यात आलेल्या उपाययोजना, तसेच हॉस्पिटल्सच्या धडक तपासणी मोहिमेबाबत माहिती दिली.
स्वाइन फ्लूच्या उपचारासाठी सर्व सरकारी हॉस्पिटल्समध्ये पुरेसा औषधसाठा उपलब्ध ठेवा. नागरिकांमध्ये या आजाराबाबत अधिकाधिक जनजागृती करा, असे निर्देश पालकमंत्री गिरीश महाजन यांनी सोमवारी दिले. स्वाइन फ्ल्यूचे रुग्ण खासगी हॉस्पिटल्समध्येही दाखल करून घेतले जातात. त्यामुळे रुग्णांचा अचूक तपशील मिळावा यासाठी खासगी डॉक्टरांनीदेखील अशा रुग्णांची माहिती सरकारी वैद्यकीय अधिकाऱ्यांना नियमितपणे द्यावी, अशी सूचना महाजन यांनी केली.
सरकारी विश्रामगृह येथे स्वाइन फ्ल्यूचा आढावा घेण्यासाठी महाजन यांनी अधिकाऱ्यांची बैठक बोलावली होती. यावेळी पर्यटनमंत्री जयकुमार रावल, महापौर रंजना भानसी, आमदार देवयानी फरांदे, डॉ. राहुल आहेर, अपूर्व हिरे, जिल्हाधिकारी राधाकृष्णन् बी., महापालिका आयुक्त अभिषेक कृष्णा, मुख्य कार्यकारी अधिकारी मिलिंद शंभरकर, उपमहापौर प्रथमेश गिते आदी उपस्थित होते.
यावेळी महाजन यांनी स्वाइन फ्लू रुग्णांवर करण्यात येणाऱ्या उपचारांची आणि सरकारी हॉस्पिटल्समधील विलगीकरण कक्षांची माहिती घेतली. स्वाइन फ्लूची प्राथमिक लक्षणे दिसताच रुग्णावर त्वरीत उपचार करणे गरजेचे आहे. याबाबत खासगी डॉक्टरांची बैठक घेऊन त्यांच्याकडे दाखल रुग्णांची माहिती देण्याबाबत त्यांना आवाहन करा, अशी सूचना महाजन यांनी केली. आठवडे बाजार आणि गर्दीच्या ठिकाणी विशेष काळजी घेण्याबाबत नागरिकांमध्ये जनजागृती करण्यात यावी, अशाही सूचना त्यांनी दिल्या. नागरिकांनी आजाराची लक्षणे दिसताच सरकारी हॉस्पिटलमध्ये तपासणी करून घ्यावी असे आवाहन त्यांनी केले.
जिल्हाधिकारी राधाकृष्णन् यांनी स्वाइन फ्लू नियंत्रणासाठी प्रशासनातर्फे करण्यात आलेल्या उपाययोजना, तसेच हॉस्पिटल्सच्या धडक तपासणी मोहिमेबाबत माहिती दिली.