म. टा. प्रतिनिधी, नाशिक
माळी समाज सेवा समितीच्या वतीने समाजातील गुणवंत विद्यार्थ्यांचा जिल्हास्तरीय गुणगौरव समारंभ रविवारी (दि. २२) सकाळी ११ वाजता प. सा. नाट्यगृहात आयोजित करण्यात आला आहे.
या कार्यक्रमास प्रमुख पाहुणे म्हणून उपमहापौर प्रथमेश गिते, नगराध्यक्ष सुनील मोरे, उपायुक्त सुखदेव बनकर, ग्रामीण पोलिस मुख्यालयातील उपाधीक्षक सचिन गोरे, नगरसेवक संतोष गायकवाड, प्राचार्य दिनकर जानमाळी, उद्योजक चंद्रकांत बागूल, उद्योजक सुनील फरांदे तर कार्यक्रमाच्या अध्यक्षस्थानी मनसे जिल्हाध्यक्ष व माजी नगरसेवक अनंता सूर्यवंशी असतील. माळी समाजातील गुणवंत विद्यार्थ्यांना प्रोत्साहन देण्यासाठी समितीच्या वतीने इयत्ता पहिलीपासून बारावी, पदवीधर, पदव्युत्तर पदवीधर, डी. एड., बी. एड, इंजिनीरिंग तसेच विविध राष्ट्रीय, राज्यस्तरीय स्पर्धांमध्ये उल्लेखनीय कामगिरी करणाऱ्या विद्यार्थ्यांना गौरविण्यात येणार आहे. तरी समाज बांधवांनी या कार्यक्रमास उपस्थित रहावे, असे आवाहन समितीचे अध्यक्ष विजय राऊत, मार्गदर्शक उत्तमराव तांबे, उपाध्यक्ष उत्तमराव बडदे, कार्याध्यक्ष प्रभाकर क्षीरसागर आदींनी केले आहे.
मनीषा माळीचा विशेष सत्कार
चीन येथे नुकत्याच पार पडलेल्या पाचव्या ड्रॅगन बोट आशियाई चॅम्पियनशीप स्पर्धेत मनीषा हिरालाल माळी हिने पाचशे मीटर प्रकारात महिला गटात रौप्य पदक मिळविले. या अद्वितीय कामगिरीबद्दल मनीषाचा विशेष सत्कार करण्यात येणार आहे.
लोगो : सोशल कनेक्ट