अ‍ॅपशहर

गोदाघाटचा श्वास मोकळा

गोदाघाटाच्या पार्किंगच्या जागेत वाहने थांबविण्याबरोबरच नदीपात्रातील पाणी घेऊन वाहने धुण्याचे प्रकार सुरू होते. या भागाला सर्व्हिस सेंटरचे स्वरूप आले होते. गोदावरी प्रदुषणमुक्त करण्यासाठी सामाजिक संघटनांनी उच्च न्यायालयात धाव घेतली. उच्च न्यायालयाने महापालिकेला आदेश काढल्यानंतर गोदापात्रात धुणी धुणे, भांडी घासणे, जनावरे धुणे, वाहने धुणे हे प्रकार बंद करण्यात आले. गोदाघाटाच्या परिसरात वाहने धुणे बंद झाल्यामुळे येथील प्रदूषण होण्यास आळा बसला आहे.

Maharashtra Times 4 Mar 2018, 4:00 am
उच्च न्यायालयाच्या आदेशानंतर मनपाकडून स्वच्छता
महाराष्ट्र टाइम्स.कॉम godavari river ghat clean by nashik municipal corporation workers
गोदाघाटचा श्वास मोकळा


म. टा. वृत्तसेवा, पंचवटी

गोदाघाटाच्या पार्किंगच्या जागेत वाहने थांबविण्याबरोबरच नदीपात्रातील पाणी घेऊन वाहने धुण्याचे प्रकार सुरू होते. या भागाला सर्व्हिस सेंटरचे स्वरूप आले होते. गोदावरी प्रदुषणमुक्त करण्यासाठी सामाजिक संघटनांनी उच्च न्यायालयात धाव घेतली. उच्च न्यायालयाने महापालिकेला आदेश काढल्यानंतर गोदापात्रात धुणी धुणे, भांडी घासणे, जनावरे धुणे, वाहने धुणे हे प्रकार बंद करण्यात आले. गोदाघाटाच्या परिसरात वाहने धुणे बंद झाल्यामुळे येथील प्रदूषण होण्यास आळा बसला आहे.

गोदाघाटाचा गाडगे महाराज पूलाच्या दक्षिणेचा भागात शहर परिसरात येणाऱ्या भाविकांच्या आणि पर्यटकांच्या वाहनांची पार्किंग केले जाते. या पार्किंगच्या जागेतच वाहने थांबल्यानंतर ती वाहने धुतली जात असत. तसेच रिक्षा, दुचाकीस्वार वाहने थांबवून येथे वाहने धुत होते. काही मुलांनी तर येथे पैसे घेऊन वाहने धुण्याचे कामे सुरू केली होती.

या भागातून अवैधरित्या वाळू काढण्यात येत होती. ही काढलेली वाळू याच पाण्याच्या उपयोग करून धुतली जात होती. हे प्रकारही आता बंद करण्यात आलेले आहेत. महापालिका आयुक्त तुकाराम मुंढे यांच्या गोदाघाट पाहणीच्या दौऱ्यानंतर येथील वाळूचे ढिगारे ठेऊन त्याची विक्री करणाऱ्यांवर हाकलण्यात आल्यानंतर येथील सर्व परिसर मोकळा झाला आहे. आता खऱ्या अर्थाने गोदाघाट मोकळा श्वास घेत असल्याचे दिसते.

कारवाईनंतर वाहने धुणे बंद
वाहने धुतली जात असल्यामुळे वाहनांवरची धूळ, चिखल, ग्रीस, ऑईल हे गोदापात्रात मिसळले जात होते. दिवसभरात शेकडो वाहने धुतले जात असल्यामुळे गोदावरीचे प्रदूषण वाढत होते. या विषयाकडे महापालिका दुर्लक्ष करीत होती. उच्च न्यायालयाने फटकारल्यानंतर महापालिकेने गोदावरी संवर्धन कक्षाची स्थापना केली. या कक्षाच्या स्थापनेनंतर गोदावरीचे प्रदूषण करणाऱ्यांवर दंडात्मक कारवाई करण्यात येऊ लागली. या कारवाईमुळे येथे वाहने धुण्याचे प्रकार बंद झाले. त्यामुळे गोदावरीत ऑईल, धूळ आदींचे होणारे प्रदूषण रोखले गेले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज