मनमाड : गोहाटी येथे सुरू असलेल्या खेलो इंडिया राष्ट्रीय ज्युनियर वेटलिफ्टिंग स्पर्धेत मनमाड येथील जयभवानी व्यायामशाळेच्या व मनमाड महाविद्यालयाच्या प्राजक्ता खालकरने सुवर्ण तर निकिता वाल्मिक काळेने रौप्यपदक पटकावले. प्राजक्ताने ६४ किलो वजनी गटात १८१ किलो वजन उचलून सुवर्णपदक पटकावले तर निकिता वाल्मिक काळेने ७१ किलो वजनी गटात १८० किलो वजन उचलून रौप्यपदक पटकावले. अतिशय चुरशीच्या लढतीत दोन्ही खेळाडूंनी सुवर्ण व रौप्यपदक प्राप्त करीत मणिपूरच्या खेळाडूंना चांगली टक्कर देत यश पटकावले. राष्ट्रीय पातळीवरील प्राजक्ताचे हे दुसरे सुवर्णपदक आहे. यशस्वी खेळाडूंना छत्रे विद्यालयाचे क्रीडा प्रशिक्षक प्रवीण व्यवहारे एन आय एस प्रशिक्षक तृप्ती पाराशर यांचे मार्गदर्शन लाभले आहे.
प्राजक्ताला सुवर्ण, निकीताला रौप्य
गोहाटी येथे सुरू असलेल्या खेलो इंडिया राष्ट्रीय ज्युनियर वेटलिफ्टिंग स्पर्धेत मनमाड येथील जयभवानी व्यायामशाळेच्या व मनमाड महाविद्यालयाच्या प्राजक्ता ...
महाराष्ट्र टाइम्स.कॉम 22 Jan 2020, 4:00 am