नांदगाव स्टेशनला लोको फोरमनच्या कल्पनेतून उभारणी
म. टा. वृत्तसेवा, मनमाड
रेल्वेचे रनिंग रूम म्हणजे रेल्वे चालवून दमलेल्या रेल्वे चालकांचे व सोबतच्या गार्डसचे विश्रांती स्थानच. मात्र नांदगावमध्ये केवळ रेल्वे चालकांना आराम करण्यासाठीची जागा एवढेच त्याचे स्वरूप न ठेवता चालकांची तब्येत ठणठणीत व एकदम सुदृढ राहण्यासाठी अत्याधुनिक जिम तयार करण्यात आली आहे. रेल्वेच्या निकामी झालेल्या टाकाऊ भंगार वस्तूंमधून ही ग्रीन जिम निर्माण केल्याने दहा ते बारा हजारांचा खर्च आला आहे.
नांदगाव रेल्वे स्थानकावर करण्यात आलेला हा प्रयोग जरा हटके असून, त्याला शनिवारी (दि. ६) नांदगावला पाहणीसाठी आलेल्या रेल्वे महाप्रबंधक डी. के. शर्मा यांच्याकडून २५ हजारांचे रोख बक्षीस देऊन गौरविण्यात आले. येथील लोको फोरमन ए. जी. गोरे यांच्या कल्पकतेतून जिमला मूर्तरूप मिळाले. रेल्वे चालकांसाठी जिमयुक्त रनिंग रूम कौतुकाचा विषय ठरला असून, सर्वांसाठी आदर्शवत ठरण्याची शक्यता आहे.
नांदगाव येथील रेल्वेच्या चालक, गार्ड वर्गासाठी असलेल्या विश्रांती गृहात आता अत्याधुनिक जिम साकारण्यात आली आहे. नांदगावच्या लोको फोरमन्सकडून चालक व गार्ड यांच्या शारीरिक व मानसिक स्वास्थ्याच्या दृष्टीने विचार करून या रनिंग रूमला वेगळे रूप बहाल केले आहे. ज्यामुळे रेल्वे चालक आणि गार्ड यांना विश्रांती करणे सोपे होणार आहे. या विश्रांतीगृहासाठी रेल्वे प्रशासनाकडून दरमहा मिळणाऱ्या ठराविक खर्चाच्या रकमेतही बचत करीत ही ग्रीन जिम साकार करण्यात आली आहे.
महाप्रबंधकांकडून २५ हजारांचे बक्षीस
विशेष म्हणजे या जिमला लागणारे रेल्वेचे लाखो रुपये कल्पकतेने वाचवून त्यांनी रेल्वेच्या टाकाऊ व भंगारात जाणाऱ्या वस्तू मोठ्या कौशल्याने जिमसाठी वापरल्या आहेत. या टाकाऊ वस्तूंपासून जिममधील व्यायामाची साधने तयार करून घेतली आहेत. यात प्रामुख्याने चालकांसाठी व गार्डसाठी स्काय वॉकर, लेग प्रेस, एअर वॉकर, चेस्ट प्रेस, सर्फ बोर्ड, सीट अप बोर्ड, सीटिंग अँड स्टँडिंग ट्विस्टर अशा विविध साधनांची उपलब्धता करण्यात आली आहे. नांदगाव रेल्वे स्थानकाच्या दौऱ्यावर आलेले रेल्वे महाप्रबंधक शर्मादेखील ही जिम पाहून प्रभावित झाले. त्यांनी या कल्पकतेला दाद दिली तसेच भरभरून कौतुक करीत त्यांना रोख बक्षीसही दिले. रेल्वे चालकांच्या शारीरिक मानसिक स्वास्थ्य व सुदृढतेसाठी योगा, इतर प्रकारचे व्यायाम चालक वर्गासाठी नांदगाव रनिंग रूम एक वरदान ठरण्याची शक्यता आहे.
म. टा. वृत्तसेवा, मनमाड
रेल्वेचे रनिंग रूम म्हणजे रेल्वे चालवून दमलेल्या रेल्वे चालकांचे व सोबतच्या गार्डसचे विश्रांती स्थानच. मात्र नांदगावमध्ये केवळ रेल्वे चालकांना आराम करण्यासाठीची जागा एवढेच त्याचे स्वरूप न ठेवता चालकांची तब्येत ठणठणीत व एकदम सुदृढ राहण्यासाठी अत्याधुनिक जिम तयार करण्यात आली आहे. रेल्वेच्या निकामी झालेल्या टाकाऊ भंगार वस्तूंमधून ही ग्रीन जिम निर्माण केल्याने दहा ते बारा हजारांचा खर्च आला आहे.
नांदगाव रेल्वे स्थानकावर करण्यात आलेला हा प्रयोग जरा हटके असून, त्याला शनिवारी (दि. ६) नांदगावला पाहणीसाठी आलेल्या रेल्वे महाप्रबंधक डी. के. शर्मा यांच्याकडून २५ हजारांचे रोख बक्षीस देऊन गौरविण्यात आले. येथील लोको फोरमन ए. जी. गोरे यांच्या कल्पकतेतून जिमला मूर्तरूप मिळाले. रेल्वे चालकांसाठी जिमयुक्त रनिंग रूम कौतुकाचा विषय ठरला असून, सर्वांसाठी आदर्शवत ठरण्याची शक्यता आहे.
नांदगाव येथील रेल्वेच्या चालक, गार्ड वर्गासाठी असलेल्या विश्रांती गृहात आता अत्याधुनिक जिम साकारण्यात आली आहे. नांदगावच्या लोको फोरमन्सकडून चालक व गार्ड यांच्या शारीरिक व मानसिक स्वास्थ्याच्या दृष्टीने विचार करून या रनिंग रूमला वेगळे रूप बहाल केले आहे. ज्यामुळे रेल्वे चालक आणि गार्ड यांना विश्रांती करणे सोपे होणार आहे. या विश्रांतीगृहासाठी रेल्वे प्रशासनाकडून दरमहा मिळणाऱ्या ठराविक खर्चाच्या रकमेतही बचत करीत ही ग्रीन जिम साकार करण्यात आली आहे.
महाप्रबंधकांकडून २५ हजारांचे बक्षीस
विशेष म्हणजे या जिमला लागणारे रेल्वेचे लाखो रुपये कल्पकतेने वाचवून त्यांनी रेल्वेच्या टाकाऊ व भंगारात जाणाऱ्या वस्तू मोठ्या कौशल्याने जिमसाठी वापरल्या आहेत. या टाकाऊ वस्तूंपासून जिममधील व्यायामाची साधने तयार करून घेतली आहेत. यात प्रामुख्याने चालकांसाठी व गार्डसाठी स्काय वॉकर, लेग प्रेस, एअर वॉकर, चेस्ट प्रेस, सर्फ बोर्ड, सीट अप बोर्ड, सीटिंग अँड स्टँडिंग ट्विस्टर अशा विविध साधनांची उपलब्धता करण्यात आली आहे. नांदगाव रेल्वे स्थानकाच्या दौऱ्यावर आलेले रेल्वे महाप्रबंधक शर्मादेखील ही जिम पाहून प्रभावित झाले. त्यांनी या कल्पकतेला दाद दिली तसेच भरभरून कौतुक करीत त्यांना रोख बक्षीसही दिले. रेल्वे चालकांच्या शारीरिक मानसिक स्वास्थ्य व सुदृढतेसाठी योगा, इतर प्रकारचे व्यायाम चालक वर्गासाठी नांदगाव रनिंग रूम एक वरदान ठरण्याची शक्यता आहे.