म. टा. वृत्तसेवा, नाशिकरोड
उपनगर येथील भा. वि. जोशी महाराष्ट्र हायस्कूलमध्ये मुख्याध्यापक सुरेश घरटे यांच्या अध्यक्षतेखाली राजमाता जिजाऊ आणि स्वामी विवेकानंद जयंती साजरी करण्यात आली. याप्रसंगी प्रतिमापूजन करण्यात आले. शिक्षक तानाजी पाटोळे यांनी जिजाऊ, तसेच स्वामी विवेकानंद यांच्या कार्याविषयी माहिती सांगितली. घरटे यांनी मार्गदर्शन केले. मोनिका चौधरी यांनी सूत्रसंचालन केले. वृषाली जायभावे यांनी आभार मानले. शिक्षक केशव ठोंबरे, बाळू चौधरी, सुनील सोनवणे, योगिता साळवे, प्रेरणा साबळे, वंदना ठाकूर, बिंदू वाघेला आणि विद्यार्थी उपस्थित होते.