म. टा. वृत्तसेवा, देवळाली कॅम्प
गेल्या महिन्यापासून लागू झालेला जीएसटी ऑप्टिकल क्षेत्रासाठी नॉन-बेनिफिशिअल ठरला आहे. केंद्र सरकारने ऑप्टिकल क्षेत्राला १२ टक्के जीएसटी लागू केल्यामुळे या क्षेत्रातील व्यावसायिकांमध्ये प्रचंड नाराजीचा सूर आहे. त्यामुळे उन्हापासून संरक्षण देणारे गॉगल व नंबरच्या चष्म्यांसह स्पेक्टरल फ्रेमच्या विक्रीवर परिणाम होणार आहे. ग्राहक व दुकानदार अशा दोघांनाही यामुळे नुकसान होऊन नफ्यावर परिणाम होणार असल्याचे व्यावसायिकांचे म्हणणे आहे.
नंबरचा चष्मा बनविण्यासाठी आवश्यक असणाऱ्या ऑप्टिकल लेन्स, कॉन्टॅक्ट लेन्स या वस्तूंवर १२ टक्के, स्पेक्टरल फ्रेमवर १८ टक्के तर उन्हापासून संरक्षण देणाऱ्या गॉगल्सवर २८ टक्के एवढा जीएसटी कर आकारणी निश्चित केल्याने या डोळ्याला संरक्षण देणाऱ्या वस्तूंच्या किमती वाढणार आहेत.
उन्हापावसापासून संरक्षण देणारी छत्री, कमी ऐकू येणाऱ्यांना कानाला लावण्यात येणारी मशीन या गोष्टी सरकारने जीएसटीच्या बाहेर ठेवल्या, तर मग डोळ्यांचे संरक्षण करणाऱ्या वस्तू का जीएसटीच्या बाहेर ठेवल्या नाहीत, असा प्रश्न व्यावसायिक विचारत आहेत. अल्ट्राव्हायलेट किरण, असहनीय ऊन, रस्त्याची उडणारी धूळ यामुळे अनेकजण डॉक्टरांच्या सांगण्यानुसार चष्मे व गॉगल खरेदी करीत असतात. त्यात नंबरचा चष्मा आज अनेकांची गरज बनला असून, त्याशिवाय डोळ्याने पाहणेदेखील काहींना जमत नाही. त्यामुळे केंद्रसरकारने या निर्णयावर फेरविचार करणे गरजेचे असल्याचे मत व्यावसायिकांनी
मांडले आहे.
ग्राहकांकडून १८ टक्के जीएसटी लावून चष्मा किंवा २८ टक्के जीएसटी आकारून गॉगल विक्री करणे आता जिकिरीचे होणार आहे. सरकारने आवश्यक वस्तूंमध्ये किमान नंबरच्या चष्म्यांचा समावेश करण्याचा निर्णयाचा फेरविचार करावा. - संदीप मोरे,
साई ऑप्टिकल वर्ल्ड
गेल्या महिन्यापासून लागू झालेला जीएसटी ऑप्टिकल क्षेत्रासाठी नॉन-बेनिफिशिअल ठरला आहे. केंद्र सरकारने ऑप्टिकल क्षेत्राला १२ टक्के जीएसटी लागू केल्यामुळे या क्षेत्रातील व्यावसायिकांमध्ये प्रचंड नाराजीचा सूर आहे. त्यामुळे उन्हापासून संरक्षण देणारे गॉगल व नंबरच्या चष्म्यांसह स्पेक्टरल फ्रेमच्या विक्रीवर परिणाम होणार आहे. ग्राहक व दुकानदार अशा दोघांनाही यामुळे नुकसान होऊन नफ्यावर परिणाम होणार असल्याचे व्यावसायिकांचे म्हणणे आहे.
नंबरचा चष्मा बनविण्यासाठी आवश्यक असणाऱ्या ऑप्टिकल लेन्स, कॉन्टॅक्ट लेन्स या वस्तूंवर १२ टक्के, स्पेक्टरल फ्रेमवर १८ टक्के तर उन्हापासून संरक्षण देणाऱ्या गॉगल्सवर २८ टक्के एवढा जीएसटी कर आकारणी निश्चित केल्याने या डोळ्याला संरक्षण देणाऱ्या वस्तूंच्या किमती वाढणार आहेत.
उन्हापावसापासून संरक्षण देणारी छत्री, कमी ऐकू येणाऱ्यांना कानाला लावण्यात येणारी मशीन या गोष्टी सरकारने जीएसटीच्या बाहेर ठेवल्या, तर मग डोळ्यांचे संरक्षण करणाऱ्या वस्तू का जीएसटीच्या बाहेर ठेवल्या नाहीत, असा प्रश्न व्यावसायिक विचारत आहेत. अल्ट्राव्हायलेट किरण, असहनीय ऊन, रस्त्याची उडणारी धूळ यामुळे अनेकजण डॉक्टरांच्या सांगण्यानुसार चष्मे व गॉगल खरेदी करीत असतात. त्यात नंबरचा चष्मा आज अनेकांची गरज बनला असून, त्याशिवाय डोळ्याने पाहणेदेखील काहींना जमत नाही. त्यामुळे केंद्रसरकारने या निर्णयावर फेरविचार करणे गरजेचे असल्याचे मत व्यावसायिकांनी
मांडले आहे.
ग्राहकांकडून १८ टक्के जीएसटी लावून चष्मा किंवा २८ टक्के जीएसटी आकारून गॉगल विक्री करणे आता जिकिरीचे होणार आहे. सरकारने आवश्यक वस्तूंमध्ये किमान नंबरच्या चष्म्यांचा समावेश करण्याचा निर्णयाचा फेरविचार करावा. - संदीप मोरे,
साई ऑप्टिकल वर्ल्ड