म. टा. प्रतिनिधी, नाशिक
हिंदुस्थान एरोनॉटिक्स लिमिटेडचा (एचएएल) 'राफेल' या लढाऊ विमानांच्या करारात विचार झाला नसला तरी तेजस या आधुनिक लढाऊ विमानांची निर्मितीचे काम एचएएलला मिळणार असल्याची शुभवार्ता आहे. ओझर आणि बेंगलुरू या दोन्ही ठिकाणच्या एचएएलच्या कारखान्यांत एकूण १२३ विमानांची निर्मिती केली जाणार आहे. यातून एचएएलला १ लाख कोटी रुपयांचे काम मिळणार असल्याची माहिती संरक्षण राज्यमंत्री डॉ. सुभाष भामरे यांनी रविवारी नाशिक येथे दिली. देशातील दुसरे डिफेन्स हब नाशिकलाच होणार असल्याचेही डॉ. भामरे यांनी स्पष्ट केले.
आडगाव नाका येथील स्वामिनारायण सभागृहात रविवारी अग्रनारी प्रांतीय महिला असोसिएशनचे १५ वे महिला अधिवेशन झाले. या अधिवेशनात डॉ. भामरे प्रमुख पाहुणे म्हणून उपस्थित होते. अधिवेशनानंतर त्यांनी पत्रकारांशी संवाद साधला, असता त्यांनी ही माहिती दिली. डॉ. भामरे म्हणाले, की २०२० नंतर सुखोई विमानांचे काम संपल्यानंतर ओझर कारखान्याचे पुढे काय, असा प्रश्न उपस्थित केला जात आहे. मात्र, संरक्षणमंत्र्यांनीच या प्रश्नी उत्तर देत एचएएलमध्ये कामे सुरूच राहणार असल्याचे सांगितले आहे. एचएएलला संरक्षण मंत्रालयाने एक लाख कोटी रुपयांचे काम दिले आहे. त्याद्वारे ओझर आणि बेंगलुरू येथे एकूण १२३ तेजस या लढाऊ विमानांची निर्मिती केली जाणार आहे. ही विमाने हवाई दलाला अधिक बळकट करतील, असा विश्वासही डॉ. भामरे यांनी व्यक्त केला.
इनोव्हेशन हब नाशिकमध्येच
कोईम्बतूर येथील डिफेन्स इनोव्हेशन हबनंतर देशातील दुसऱ्या क्रमांकाचे 'डिफेन्स इनोव्हेशन हब' नाशिकमध्ये होणार आहे. नाशिकमध्ये संरक्षण क्षेत्राशी निगडित अनेक उद्योग असून, त्यांना संशोधन क्षेत्रात चालना देण्यासाठी हे इनोव्हेशन हब निर्माण केले जाणार असल्याचेही डॉ. भामरे यांनी सांगितले. हे हब नागपूरला पळवण्यात आल्याची अफवा पसरली असली तरी हे हब नाशिकमध्येच होणार आहे. येत्या दहा ते पंधरा दिवसांत कार्यक्रम घेऊन याची अधिकृत घोषणा केली जाणार असल्याचे त्यांनी सांगितले.
हिंदुस्थान एरोनॉटिक्स लिमिटेडचा (एचएएल) 'राफेल' या लढाऊ विमानांच्या करारात विचार झाला नसला तरी तेजस या आधुनिक लढाऊ विमानांची निर्मितीचे काम एचएएलला मिळणार असल्याची शुभवार्ता आहे. ओझर आणि बेंगलुरू या दोन्ही ठिकाणच्या एचएएलच्या कारखान्यांत एकूण १२३ विमानांची निर्मिती केली जाणार आहे. यातून एचएएलला १ लाख कोटी रुपयांचे काम मिळणार असल्याची माहिती संरक्षण राज्यमंत्री डॉ. सुभाष भामरे यांनी रविवारी नाशिक येथे दिली. देशातील दुसरे डिफेन्स हब नाशिकलाच होणार असल्याचेही डॉ. भामरे यांनी स्पष्ट केले.
आडगाव नाका येथील स्वामिनारायण सभागृहात रविवारी अग्रनारी प्रांतीय महिला असोसिएशनचे १५ वे महिला अधिवेशन झाले. या अधिवेशनात डॉ. भामरे प्रमुख पाहुणे म्हणून उपस्थित होते. अधिवेशनानंतर त्यांनी पत्रकारांशी संवाद साधला, असता त्यांनी ही माहिती दिली. डॉ. भामरे म्हणाले, की २०२० नंतर सुखोई विमानांचे काम संपल्यानंतर ओझर कारखान्याचे पुढे काय, असा प्रश्न उपस्थित केला जात आहे. मात्र, संरक्षणमंत्र्यांनीच या प्रश्नी उत्तर देत एचएएलमध्ये कामे सुरूच राहणार असल्याचे सांगितले आहे. एचएएलला संरक्षण मंत्रालयाने एक लाख कोटी रुपयांचे काम दिले आहे. त्याद्वारे ओझर आणि बेंगलुरू येथे एकूण १२३ तेजस या लढाऊ विमानांची निर्मिती केली जाणार आहे. ही विमाने हवाई दलाला अधिक बळकट करतील, असा विश्वासही डॉ. भामरे यांनी व्यक्त केला.
इनोव्हेशन हब नाशिकमध्येच
कोईम्बतूर येथील डिफेन्स इनोव्हेशन हबनंतर देशातील दुसऱ्या क्रमांकाचे 'डिफेन्स इनोव्हेशन हब' नाशिकमध्ये होणार आहे. नाशिकमध्ये संरक्षण क्षेत्राशी निगडित अनेक उद्योग असून, त्यांना संशोधन क्षेत्रात चालना देण्यासाठी हे इनोव्हेशन हब निर्माण केले जाणार असल्याचेही डॉ. भामरे यांनी सांगितले. हे हब नागपूरला पळवण्यात आल्याची अफवा पसरली असली तरी हे हब नाशिकमध्येच होणार आहे. येत्या दहा ते पंधरा दिवसांत कार्यक्रम घेऊन याची अधिकृत घोषणा केली जाणार असल्याचे त्यांनी सांगितले.