मालेगाव : येथील महापालिकेचे महापौरपद नागरिकांचा मागास प्रवर्ग महिला राखीव असे आरक्षित झाले आहे. नुकत्याच झालेल्या विधानसभा निवडणुका व महापौरपदाचे आरक्षण बदलल्यामुळे येथील महापालिकेतील सत्ता समीकरणे बदलण्याची चिन्हे आहेत. सध्या महापालिकेवर काँग्रेस-शिवसेना आघाडीची सत्ता असून, काँग्रेसचे रशीद शेख महापौर, तर शिवसेनेचे सखाराम घोडके उपमहापौर आहेत. सध्या ८४ सदस्यीय महापलिकेत काँग्रेस २९, महागठबंधन आघाडी २६, शिवसेना १३, भाजप ९, एमआयएम ७ असे पक्षीय बलाबल आहे. काँग्रेस-शिवसेना आघाडीत असून, एमआयएमचा बाहेरून पाठिंबा आहे. सत्तापदे काँग्रेस, शिवसेना व एमआयएमने विभागून घेतली आहेत. मात्र आरक्षण सोडतीनंतर सत्तेचे हे गणित बदलू शकते. पंधरा डिसेंबर रोजी येथील महापौरांची अडीच वर्षाची मुदत संपुष्टात येते आहे.
मालेगावात प्रबळ इच्छुकांचा हिरमोड
येथील महापालिकेचे महापौरपद नागरिकांचा मागास प्रवर्ग महिला राखीव असे आरक्षित झाले आहे...
महाराष्ट्र टाइम्स.कॉम 14 Nov 2019, 4:00 am