अ‍ॅपशहर

रस्त्यावरच्या धुळीने पीके धोक्यात

कृषी उत्पन्न बाजार सम‌तिीच्या मुख्य कार्यलयाकडे जाणाऱ्या जोपुळरोडची अत्यंत वार्इट अवस्था झाली आहे. संपूर्ण रस्त्यावर खड्डे आणि धुळीचे साम्राज्य पसरले आहे.

Maharashtra Times 18 Nov 2017, 4:03 am
म. टा. वृत्तसेवा, पिंपळगाव बसंवत
महाराष्ट्र टाइम्स.कॉम heavy dust in pimpalgaon baswant farm
रस्त्यावरच्या धुळीने पीके धोक्यात


कृषी उत्पन्न बाजार सम‌तिीच्या मुख्य कार्यलयाकडे जाणाऱ्या जोपुळरोडची अत्यंत वार्इट अवस्था झाली आहे. संपूर्ण रस्त्यावर खड्डे आणि धुळीचे साम्राज्य पसरले आहे. या धुळमुळे जोपुळरोड, चिचंखेडरोड परिसरातील नागरिकांचे आणि शेतीचेही आरोग्य धोक्यात आले आहे. परिसरातील नागरिक व शेतीच्या आरोग्याचा विचार करून तातडीने जोपुळरोडचे डांबरीकरण करावे, अशी मागणी परिसरातील नागरिक व शेतकऱ्यांनी केली आहे.

पिंपळगाव बाजार समीतीत सध्या टोमॅटोचा हंगाम सुरू आहे. त्यामुळे जिल्हाभरातून येणाऱ्या हजारो वाहनांची जोपुळ रस्त्यावर दिवसभर ये-जा सुरू असते. टोमॅटोच्या वाहनांबरोबर दररोज परप्रांतात टोमॅटोची वाहतूक करणाऱ्या शेकडो अवजड वाहनांची वर्दळ या रस्त्यावर असते. मात्र हा रस्ता पूर्ण उखडला आहे. त्यामुळे धुळ, माती सतत उडत असते. या खड्ड्यांमध्ये टाकलेल्या मुरूममुळे अवघा रस्ता धुळीने व्यापला आहे.

रस्त्या लगतच्या द्राक्षबागा, डाळिंब, वांगी, शेवगा, भाजीपाला आदी प‌किांवर याचा विपरित परिणाम होत आहे. दररोजच्या त्रासामुळे या भागातील शेतकरी, नागरिक वैतागले आहेत. पिंपळगाव बाजार सम‌तिीने संपूर्ण जोपुळ रस्त्याचे तातडीने डांबरीकरण करावे, चिंचखेड चौफुलीचा प्रश्न मार्गी लावावा, अशी मागणी परिसरातील नागरीकांनी केली आहे.

या धुळीमुळे रस्त्याच्या पिकाचे नुकसान होत आहे. या धुळीमुळे माझी शेवगा बाग, वांगी, द्राक्षाची रोपे नुकसानग्रस्त झाली आहेत. तर द्राक्षबांगांचा दर्जाही धुळीमुळे घसरला आहे.

- शामराव विधाते, शेतकरी

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज