कवी विष्णू खरे यांचे काव्यवाचन

नाशिक : नाशिकच्या वाचनसंस्कृतीला नित्य नवी झळाळी देणाऱ्या सार्वजनिक वाचनालयाच्या शतकोत्तर अमृतमहोत्सवी सोहळा रविवारी (दि. २४ जुलै) रोजी साजरा होणार आहे. यानिमित्त वाचनालयाच्या औरंगाबादकर सभागृह येथे सायंकाळी ६.१५ वाजता ख्यातनाम हिंदी कवी व समीक्षक विष्णू खरे यांचे काव्यवाचन आणि त्यांच्याशी संवाद असा कार्यक्रम आयोजित करण्यात आलेला आहे.

या कार्यक्रमात विष्णू खरे यांच्याशी संवाद साधण्यासाठी प्रसिद्ध मराठी कवी प्रफुल्ल शिलेदार यांची उपस्थिती राहणार आहे. हिंदी कवी व समीक्षक विष्णू खरे यांना आतापर्यंत साहित्य क्षेत्रातील विविध राष्ट्रीय सन्मानाने गौरविण्यात आले आहे. तरी या कार्यक्रमास नाशिककर नागरिकांनी मोठ्या संख्येने उपस्थित राहावे असे आवाहन सार्वजनिक वाचनालयाच्यावतीने आयोजकांनी केले आहे.