म. टा. वृत्तसेवा, देवळाली कॅम्प
आजही ग्रामीण भागात शेकडो बाळंतीण व लहान मुले असलेल्या महिला अजूनही एसटीने प्रवास करत असतात. त्यासाठी अंगाखांद्यावर असणाऱ्या मुलांना स्तनपान करताना संकोच होऊ नये म्हणून एसटी महामंडळाने पाच वर्षांपूर्वी ' हिरकणी कक्ष संकल्पना अंमलात आणण्याचे ठरविले होते. त्यानुसार राज्याच्या विविध भागात असलेल्या बस स्थानकांमध्ये अशा कक्षांची स्थापनाही करण्यात आली. मात्र, देवळाली कॅम्प व भगूर बस स्थानकात हिरकणी कक्ष नसल्याने मातांना प्रतिक्षालयांतच बालकांना स्तनपान करावे लागते.
नाशिक-सिन्नर-इगतपुरी अशा तीन तालुक्यांतील सुमारे पन्नासहून अधिक गावांना भगूर येथील बस स्थानक नाशिकसारख्या मुख्य शहराशी जोडणारे महत्वाचे बस स्थानक आहे. त्यामुळे ग्रामीण भागातील महिला प्रवाशांचा येथे मोठ्या प्रमाणावर राबता असतो. एसटी महामंडळाकडून महिला प्रवाशांना प्रवास करताना गैरसोय होऊ नये या उद्देशाने हा हिरकणी कक्ष निदान भगूरमधील बस स्थानकात उपलब्ध करून देणे गरजेचे आहे. देवळाली कॅम्प बस स्थानकावरून प्रवासी फेऱ्या कमी असल्याने कामगार व विद्यार्थीवर्गच अधिक असतो. त्यात महिला प्रवाशांचा भरणा अधिक आहे. दानशूरांच्या सहाय्याने येथे गेल्या काही वर्षांपूर्वी उभारलेल्या बस स्थानकात महिला व पुरुष असे दोन वेगवेगळे प्रतिक्षालय आहे. या प्रतीक्षागृहाचाच वापर बाळाला दूध पाजण्यासाठी महिला करत असतात. देवळालीतील प्रतीक्षागृह वापराविना पडून आहे, तर भगूरमध्ये नियंत्रक कार्यालयामागे असलेल्या रिकाम्या खोलीचा वापर हिरकणी कक्ष म्हणून करता येईल.
सगळीकडे अंमलबजावणी हवी
प्रवासी संख्या वाढावी यासाठी एसटी महामंडळ नवनवीन आणि महत्वाकांक्षी योजना राबविण्यासाठी आटापिटा करत आहे. मात्र, त्याची अंबलबजावणी राज्यभरात पूर्णपणे झाली नाही, हे दुर्दैव आहे. एसटी स्टँडसारख्या सार्वजनिक ठिकाणी तान्ह्या बाळाला घेऊन प्रवास करणाऱ्या महिलांसाठी ‘क्षणभर विश्रांती’ म्हणून या कक्षांचा वापर होणे अपेक्षित असताना असे कक्षच अनेक बस स्थानकांमध्ये नसल्याने महामंडळाच्या अशा योजनांचा उपयोग हा सर्वसामान्य महिलांना होत नसल्याचे दिसून येत आहे.
आजही ग्रामीण भागात शेकडो बाळंतीण व लहान मुले असलेल्या महिला अजूनही एसटीने प्रवास करत असतात. त्यासाठी अंगाखांद्यावर असणाऱ्या मुलांना स्तनपान करताना संकोच होऊ नये म्हणून एसटी महामंडळाने पाच वर्षांपूर्वी ' हिरकणी कक्ष संकल्पना अंमलात आणण्याचे ठरविले होते. त्यानुसार राज्याच्या विविध भागात असलेल्या बस स्थानकांमध्ये अशा कक्षांची स्थापनाही करण्यात आली. मात्र, देवळाली कॅम्प व भगूर बस स्थानकात हिरकणी कक्ष नसल्याने मातांना प्रतिक्षालयांतच बालकांना स्तनपान करावे लागते.
नाशिक-सिन्नर-इगतपुरी अशा तीन तालुक्यांतील सुमारे पन्नासहून अधिक गावांना भगूर येथील बस स्थानक नाशिकसारख्या मुख्य शहराशी जोडणारे महत्वाचे बस स्थानक आहे. त्यामुळे ग्रामीण भागातील महिला प्रवाशांचा येथे मोठ्या प्रमाणावर राबता असतो. एसटी महामंडळाकडून महिला प्रवाशांना प्रवास करताना गैरसोय होऊ नये या उद्देशाने हा हिरकणी कक्ष निदान भगूरमधील बस स्थानकात उपलब्ध करून देणे गरजेचे आहे. देवळाली कॅम्प बस स्थानकावरून प्रवासी फेऱ्या कमी असल्याने कामगार व विद्यार्थीवर्गच अधिक असतो. त्यात महिला प्रवाशांचा भरणा अधिक आहे. दानशूरांच्या सहाय्याने येथे गेल्या काही वर्षांपूर्वी उभारलेल्या बस स्थानकात महिला व पुरुष असे दोन वेगवेगळे प्रतिक्षालय आहे. या प्रतीक्षागृहाचाच वापर बाळाला दूध पाजण्यासाठी महिला करत असतात. देवळालीतील प्रतीक्षागृह वापराविना पडून आहे, तर भगूरमध्ये नियंत्रक कार्यालयामागे असलेल्या रिकाम्या खोलीचा वापर हिरकणी कक्ष म्हणून करता येईल.
सगळीकडे अंमलबजावणी हवी
प्रवासी संख्या वाढावी यासाठी एसटी महामंडळ नवनवीन आणि महत्वाकांक्षी योजना राबविण्यासाठी आटापिटा करत आहे. मात्र, त्याची अंबलबजावणी राज्यभरात पूर्णपणे झाली नाही, हे दुर्दैव आहे. एसटी स्टँडसारख्या सार्वजनिक ठिकाणी तान्ह्या बाळाला घेऊन प्रवास करणाऱ्या महिलांसाठी ‘क्षणभर विश्रांती’ म्हणून या कक्षांचा वापर होणे अपेक्षित असताना असे कक्षच अनेक बस स्थानकांमध्ये नसल्याने महामंडळाच्या अशा योजनांचा उपयोग हा सर्वसामान्य महिलांना होत नसल्याचे दिसून येत आहे.