म. टा. प्रतिनिधी, नाशिक
होर्डिंग्ज हटवण्याबाबत सर्वोच्च न्यायालयाने कडक अंमलबजावणी करण्याचे आदेश दिले असताना नाशिक महापालिका मात्र त्याकडे दुर्लक्ष करीत आहे. शहरात सर्वच भागात कोणीही होर्डिंग्ज लावत असून, त्यामुळे वाहतुकीस अडथळा ठरून अपघात होत आहेत. या होर्डिंग्जच्या वादांतून अनेकदा हाणामारीचे प्रकारही झाले आहेत.
दिवाळीत होर्डिंग्जच्या समस्येने पुन्हा डोके वर काढले आहे. शहरातील प्रमुख चौकांमध्ये शुभेच्छांचे मोठमोठे होर्डिंग्ज लागले आहेत. त्यामुळे नेत्यांच्या चमकोगिरीला पुन्हा वेग आला आहे. शहरात पंचवटी कारंजा, निमाणी बसस्टॅँड येथे होर्डिंग्जची बजबजपुरी झाली आहे. तीन वर्षांपूर्वी या भागात होर्डिंग्ज लावण्याच्या वादातून एका युवकाचा खून झाला होता. यातून धडा घेत हा प्रकार थांबेल, अशी आशा होती. परंतु, तसे घडले नाही. उलट येथील होर्डिंग्जच्या संख्येत दुपटीने वाढ झाली.
नाशिकरोड परिसरालाही होर्डिंग्जचा विळखा पडला असून, या विद्रुपीकरणावर प्रशासनाने लवकर कारवाई न केल्यास होर्डिंग्जच्या वादातून शहराची शांतता धोक्यात येऊ शकते. काही दिवसांमध्ये होर्डिंग्जच्या वादातून परिसरात हाणामाऱ्यांचे प्रकार घडले होते. भाऊ, नाना, दादा यांनी तर शहरातल्या प्रत्येक भागात होर्डिंग्जरुपात आपले अस्तित्व दाखविण्यास सुरुवात केली आहे. महापालिकेने होर्डिंग्जसाठी जागा निश्चित केल्या असून, त्याऐवजी मिळेल त्या ठिकाणी ते लावले जात आहेत.
नाशिक-पुणे रोड होर्डिंगमय
मिसरूड न फुटलेल्या ‘युवा नेत्यांनी’ही आपल्या वाढदिवसाच्या जाहिराती होर्डिंग्जद्वारे चौकाचौकांत झळकावल्या आहेत. बिटको चौकानंतर दत्तमंदिर रोडवर अनेकांनी होर्डिंग्ज झळकवले आहे. रस्त्यावरुन येताना या होर्डिंग्जमुळे अनेक अपघात घडत असून होर्डिंग्ज काढण्याची कारवाई करावी अशी मागणी नागरिकांनी केली आहे. उपनगरच्या चौकात अनेक पक्षांच्या कार्यकर्त्यांचे होर्डिंग्ज लागत असून, त्यावरून वातावरण दूषित होत आहे. त्याचप्रमाणे गांधीनगर, आंबेडकरनगर, शिवाजीनगर, बोधलेनगर परिसरात अतिक्रमण विभागाने सक्त कारवाई करण्याची आवश्यकता आहे.
पोलिसांकडून मनाई आदेश
होर्डिंग्जला प्रतिबंध करण्यासाठी नाशिक पोलिसांनी प्रतिबंधात्मक आदेश काढले असून, नियमांचा भंग केल्यास अथवा कुठेही परवानगी न घेता होर्डिंग्ज लावल्यास कलम १३४ प्रमाणे कारवाईचे आदेश देण्यात आले आहेत. त्याचप्रमाणे पोलिस आयुक्तांनीही प्रतिबंधात्मक आदेश काढले आहेत. परंतु, होर्डिंग्जमुळे कोणावर कारवाई झाली, असे ऐकिवात नाही.
नगरसेवकांचा दबाव
होर्डिंग्जबाबत कारवाईस टाळाटाळ होत असल्याची नागरिकांची तक्रार आहे. याबाबत महापालिकेच्या अधिकाऱ्याने नाव न सांगण्याच्या अटीवर सांगितले की, कारवाईसाठी गेल्यावर नगरसेवकच फोन करुन कारवाई थांबवण्याची सूचना करतात. त्यामुळे कारवाई करणे अवघड होते. प्रशासनाने वेळीच याची दखल न घेतल्यास पुन्हा सर्व शहर होर्डिंगमय होण्यास वेळ लागणार नाही.
होर्डिंग्ज हटवण्याबाबत सर्वोच्च न्यायालयाने कडक अंमलबजावणी करण्याचे आदेश दिले असताना नाशिक महापालिका मात्र त्याकडे दुर्लक्ष करीत आहे. शहरात सर्वच भागात कोणीही होर्डिंग्ज लावत असून, त्यामुळे वाहतुकीस अडथळा ठरून अपघात होत आहेत. या होर्डिंग्जच्या वादांतून अनेकदा हाणामारीचे प्रकारही झाले आहेत.
दिवाळीत होर्डिंग्जच्या समस्येने पुन्हा डोके वर काढले आहे. शहरातील प्रमुख चौकांमध्ये शुभेच्छांचे मोठमोठे होर्डिंग्ज लागले आहेत. त्यामुळे नेत्यांच्या चमकोगिरीला पुन्हा वेग आला आहे. शहरात पंचवटी कारंजा, निमाणी बसस्टॅँड येथे होर्डिंग्जची बजबजपुरी झाली आहे. तीन वर्षांपूर्वी या भागात होर्डिंग्ज लावण्याच्या वादातून एका युवकाचा खून झाला होता. यातून धडा घेत हा प्रकार थांबेल, अशी आशा होती. परंतु, तसे घडले नाही. उलट येथील होर्डिंग्जच्या संख्येत दुपटीने वाढ झाली.
नाशिकरोड परिसरालाही होर्डिंग्जचा विळखा पडला असून, या विद्रुपीकरणावर प्रशासनाने लवकर कारवाई न केल्यास होर्डिंग्जच्या वादातून शहराची शांतता धोक्यात येऊ शकते. काही दिवसांमध्ये होर्डिंग्जच्या वादातून परिसरात हाणामाऱ्यांचे प्रकार घडले होते. भाऊ, नाना, दादा यांनी तर शहरातल्या प्रत्येक भागात होर्डिंग्जरुपात आपले अस्तित्व दाखविण्यास सुरुवात केली आहे. महापालिकेने होर्डिंग्जसाठी जागा निश्चित केल्या असून, त्याऐवजी मिळेल त्या ठिकाणी ते लावले जात आहेत.
नाशिक-पुणे रोड होर्डिंगमय
मिसरूड न फुटलेल्या ‘युवा नेत्यांनी’ही आपल्या वाढदिवसाच्या जाहिराती होर्डिंग्जद्वारे चौकाचौकांत झळकावल्या आहेत. बिटको चौकानंतर दत्तमंदिर रोडवर अनेकांनी होर्डिंग्ज झळकवले आहे. रस्त्यावरुन येताना या होर्डिंग्जमुळे अनेक अपघात घडत असून होर्डिंग्ज काढण्याची कारवाई करावी अशी मागणी नागरिकांनी केली आहे. उपनगरच्या चौकात अनेक पक्षांच्या कार्यकर्त्यांचे होर्डिंग्ज लागत असून, त्यावरून वातावरण दूषित होत आहे. त्याचप्रमाणे गांधीनगर, आंबेडकरनगर, शिवाजीनगर, बोधलेनगर परिसरात अतिक्रमण विभागाने सक्त कारवाई करण्याची आवश्यकता आहे.
पोलिसांकडून मनाई आदेश
होर्डिंग्जला प्रतिबंध करण्यासाठी नाशिक पोलिसांनी प्रतिबंधात्मक आदेश काढले असून, नियमांचा भंग केल्यास अथवा कुठेही परवानगी न घेता होर्डिंग्ज लावल्यास कलम १३४ प्रमाणे कारवाईचे आदेश देण्यात आले आहेत. त्याचप्रमाणे पोलिस आयुक्तांनीही प्रतिबंधात्मक आदेश काढले आहेत. परंतु, होर्डिंग्जमुळे कोणावर कारवाई झाली, असे ऐकिवात नाही.
नगरसेवकांचा दबाव
होर्डिंग्जबाबत कारवाईस टाळाटाळ होत असल्याची नागरिकांची तक्रार आहे. याबाबत महापालिकेच्या अधिकाऱ्याने नाव न सांगण्याच्या अटीवर सांगितले की, कारवाईसाठी गेल्यावर नगरसेवकच फोन करुन कारवाई थांबवण्याची सूचना करतात. त्यामुळे कारवाई करणे अवघड होते. प्रशासनाने वेळीच याची दखल न घेतल्यास पुन्हा सर्व शहर होर्डिंगमय होण्यास वेळ लागणार नाही.