म. टा. खास प्रतिनिधी, नाशिक
महापालिकेतर्फे शहरातील हॉस्पिटल, सोनोग्राफी केंद्र, गर्भपात केंद्रासह क्लिनीक तपासणी मोहिमेला आणखी महिनाभर मुदतवाढ देण्यात आली आहे. त्यामुळे आता १५ मे पर्यंत तपासणी मोहीम सुरू राहणार असल्याची माहिती वैद्यकीय अधिकारी डॉ. विजय डेकाटे यांनी दिली. आतापर्यंत जवळपास ८० टक्के तपासणीचे काम पूर्ण झाले असून, तपासणी मोहिमेत सापडलेल्या त्रुटींचा अहवाल तयार करण्याचे काम सुरू असून, जिल्हाधिकाऱ्यांच्या अध्यक्षतेखालील स्थापन झालेल्या समितीला हा अहवाल सादर केला जाणार आहे.
महापालिका हद्दीत मुंबई शुश्रृषागृहे अधिनियम १९४९ व सुधारीत नियम २००६ नुसार एकुण ५६६ हॉस्पिटल व १४३७ क्लिनिक, पीसीपीएनडीटी अॅक्ट १९९४ व सुधारित २००३ नुसार २५५ सोनोग्राफी केंद्राची व एमटीपी अॅक्ट १९७१ नुसार एकुण १२४ केंद्रांची तपासणी करण्यात येत आहे. तसेच नोंदणीकृत नसणाऱ्या सर्व केंद्राची देखील तपासणी करण्यात येत असून, त्यासाठी १५ मार्च ते १४ एप्रिलपर्यंत तपासणी मोहीम राबविण्यात आली. यासाठी मनपाच्या वैद्यकिय विभागाने ३० वैद्यकिय अधिकाऱ्यांचे पथक तयार केले होते. त्यांच्या कार्यक्षेत्रातील सर्व हॉस्पियल, सोनोग्राफी केंद्र, गर्भपात केंद्रांची तपासणी करुन अहवाल तयार करण्यात येत आहे. आतापर्यंत ५६६ हॉस्पिटलपैकी ५१२ रुग्णालांची तपासणी झाली आहे. तर १०७ गर्भपात केंद्र, १७० सोनोग्राफी केंद्रांची तपासणी पूर्ण झाली आहे. अजूनही क्लिनीक व केंद्र बाकी असल्याने तपासणी मोहिमेला एक महिन्यांची मुदतवाढ देण्यात आली आहे. त्यामुळे १५ मे पर्यंत तपासणी मोहीम राबविण्यात येणार असल्याचे सांगण्यात आले.
महापालिकेतर्फे शहरातील हॉस्पिटल, सोनोग्राफी केंद्र, गर्भपात केंद्रासह क्लिनीक तपासणी मोहिमेला आणखी महिनाभर मुदतवाढ देण्यात आली आहे. त्यामुळे आता १५ मे पर्यंत तपासणी मोहीम सुरू राहणार असल्याची माहिती वैद्यकीय अधिकारी डॉ. विजय डेकाटे यांनी दिली. आतापर्यंत जवळपास ८० टक्के तपासणीचे काम पूर्ण झाले असून, तपासणी मोहिमेत सापडलेल्या त्रुटींचा अहवाल तयार करण्याचे काम सुरू असून, जिल्हाधिकाऱ्यांच्या अध्यक्षतेखालील स्थापन झालेल्या समितीला हा अहवाल सादर केला जाणार आहे.
महापालिका हद्दीत मुंबई शुश्रृषागृहे अधिनियम १९४९ व सुधारीत नियम २००६ नुसार एकुण ५६६ हॉस्पिटल व १४३७ क्लिनिक, पीसीपीएनडीटी अॅक्ट १९९४ व सुधारित २००३ नुसार २५५ सोनोग्राफी केंद्राची व एमटीपी अॅक्ट १९७१ नुसार एकुण १२४ केंद्रांची तपासणी करण्यात येत आहे. तसेच नोंदणीकृत नसणाऱ्या सर्व केंद्राची देखील तपासणी करण्यात येत असून, त्यासाठी १५ मार्च ते १४ एप्रिलपर्यंत तपासणी मोहीम राबविण्यात आली. यासाठी मनपाच्या वैद्यकिय विभागाने ३० वैद्यकिय अधिकाऱ्यांचे पथक तयार केले होते. त्यांच्या कार्यक्षेत्रातील सर्व हॉस्पियल, सोनोग्राफी केंद्र, गर्भपात केंद्रांची तपासणी करुन अहवाल तयार करण्यात येत आहे. आतापर्यंत ५६६ हॉस्पिटलपैकी ५१२ रुग्णालांची तपासणी झाली आहे. तर १०७ गर्भपात केंद्र, १७० सोनोग्राफी केंद्रांची तपासणी पूर्ण झाली आहे. अजूनही क्लिनीक व केंद्र बाकी असल्याने तपासणी मोहिमेला एक महिन्यांची मुदतवाढ देण्यात आली आहे. त्यामुळे १५ मे पर्यंत तपासणी मोहीम राबविण्यात येणार असल्याचे सांगण्यात आले.