लखमापूरला वादळीवारा; ३२ घरांचे पत्रे उडाले

सटाणा ः तालुक्यातील लखमापूर येथे इंदिरा आवास योजनेतंर्गत बांधकाम करण्यात आलेल्या ३२ घरांवरील पत्रे वादळी वाऱ्याने उडाले. सुदैवाने या घटनेमुळे कोणतीही जीव‌ितहानी झाली नाही.

रविवारी सायंकाळी वादळी वाऱ्याने या घरांचे पत्रे उडाल्याने वीजपुरवठा काही काळ बंद पडला होता. अग्निशमक दलाला पाचारण करण्यात आल्यानंतर परिस्थिती नियंत्रणात आली. ग्रामपंचायतीच्या कार्यक्षेत्रात बांधण्यात आलेल्या इंदिरा आवास योजनेतील घरांचे बांधकाम ठेकेदाराने निकृष्ट दर्जाचे केल्याच्या तक्रारी करण्यात आल्या आहेत. मात्र याकडे प्रशासनाने दुर्लक्ष केले आहे. आक्काबाई चौधरी, लक्ष्मण मोरे, अभिमन जाधव, श्रावण पवार, संतोष पवार, निंबा गायकवाड, यांच्या खोल्यांचे नुकसान झाले आहे.