कार अपघातात
घोटीचा तरुण ठार
घोटी : मुंबई-नाशिक महामार्गावर मुंढेगाव शिवारात शनिवार (दि. १५) दुपारी एक वाजेच्या सुमारास झालेल्या कार अपघातात टाके-घोटी येथील तरुण जागीच ठार झाला. अपघातातील दुसरा तरुण गंभीर जखमी झाल्याने त्याला उपचारासाठी जिल्हा रुग्णालयात दाखल करण्यात आले आहे. मुंढेगाव चौफुलीवर नाशिकमार्गे घोटीकडे जाणारी अज्ञात वाहनाने हुलकावणी दिल्याने कार दुभाजकावर चढून पलटी झाली. या अपघातात टाके-घोटी येथील पांडुरंग लहानु भगत (वय २६) हा जागीच ठार झाला तर शंकर भोगीलाल नाठे (वय २८) हा गंभीर जखमी झाला.